Skipulags- og framkvæmdanefnd

Framlagt erindisbréf skipulags- og framkvæmdanefndar til kynningar fyrir nefndina.

Lögð fram umsókn um byggingaráform og byggingarleyfi Eyþórs Halldórsson, dagsett 19. janúar 2024, þar sem sótt er um leyfi til að byggja bílskúr á lóðinni við Gilsbakka 10 á Norðfirði. Skipulags- og framkvæmdanefnd felur byggingarfulltrúa að grenndarkynna byggingaráform og leggja niðurstöðu grendarkynningar fyrir nefndina.

Lögð fram umsókn Svans Þórs Brandsonar f.h. eiganda um byggingaráform og byggingarleyfi, dagsett 19. janúar 2024, þar sem sótt er um leyfi til viðbyggingar við Þinghólsveg 5 á Mjóafirði. Skipulags- og framkvæmdanefnd felur byggingarfulltrúa að grendarkynna byggingaráform fyrir íbúum að Þinghólsvegi 3 og leggja niðurstöðu grendarkynningar fyrir nefndina.

Framlögð lóðaumsókn Róberts Óskars Sigurvaldasona um lóðina að Sæbakka 17 í Neskaupstað, dagsett 22. janúar 2024. Skipulags- og framkvæmdanefnd samþykkir að úthluta lóðinni og vísar lóðaúthlutuninni til staðfestingar bæjarráðs.

Íbúar við Hlíðargötu og Skólaveg á Fáskrúðsfirði hafa farið fram á að erindi þeirra varðandi úthlutun lóðar við Hlíðargötu verði tekið fyrir að nýju í skipulags- og framkvæmdanefnd. Ekki hefur verið tekin ákvörðun um úthlutun umræddrar lóðar. Byggingafulltrúa falið að skoða möguleika á byggingarlóðum utan við Hólsstíg með hæðakvóta lóða í huga. Erindið verður tekið fyrir í nefndinni þegar niðurstaða liggur fyrir varðandi úthlutun lóðarinnar.

Umræða varðandi málefni gámasvæðis á Reyðarfirði. Nefndin felur sviðsstjóra og skipulags- og byggingafulltrúa að skoða möguleika á gámasvæði við Kollaleiru og leggja fyrir nefndina að nýju.

Framlagðar hugmyndir InstaVolt að staðsetningum hraðhleðslustöðva í Fjarðabyggð. Skipulags- og framkvæmdanefnd lýst vel á framkomnar hugmyndir. Breyta þarf staðsetningu sem lögð er til í Neskaupstað og jafnframt að leggja til staðsetningu á Breiðdalsvík. Nefndin felur sviðsstjóra að útfæra svæðin, ef fleiri aðilar sýna áhuga á uppbyggingu hraðhleðslustöðva, og jafnframt að leggja fram tillögu að verðskrá.

Vísað frá bæjarráð til kynningar í skipulags- og framkvæmdanefnd fundargerð 3. fundar starfshóps um skipulagsmál og ofanflóðavarnir, auk samantektar á störfum hópsins.

Erindi varðandi hundasvæði á Stöðvafirði. Skipulags- og framkvæmdanefnd þakkar fyrir erindið, og samþykkir hugmyndir að breytingu á hundasvæði á Stöðvarfirði. Framkvæmdin skal vera í samráði við skipulags- og umhverfisfulltrúa. Skipulags- og framkvæmdanefnd leggur til að aðkoma Fjarðabyggðar verði með sama sniði og á öðrum hundasvæðum í Fjarðabyggð, þ.e. bætt aðkoma, skilti og ruslatunna.

Erindi Göngufélags Suðurfjarða um gjaldfrjáls aðgengi að móttökustöð vegna fjöruhreinsunar félagsins. Skipulags- og framkvæmdanefnd þakkar fyrir erindið og samþykkir að tekið verði við því rusli sem tilfellur í fjöruhreinsun félagsins án endurgjalds. Verkefnastjóra umhverfismála falið að vera í sambandi við félagið varðandi nánari útfærslu.

Farið yfir stöðu mála varðandi innleiðingu á rafrænni undirritun byggingarfulltrúar. Skipulags- og framkvæmdanefnd þakkar fyrir kynninguna.

Framlagt minnisblað verkefnastjóra umhverfismála vegna kostnaðar við grendarstöðvar. Verkefnastjóra umhverfismála falið að vinna áfram að málinu á grunni minnisblaðsins, leggja tillögu að endanlegri útfærslu fyrir nefndina ásamt útfærslum á tæmingu og kostnaði. Skipulagsfulltrúa falið að koma með tillögur að staðsetningum grendarstöðva.

Framlögð gögn með kynningu WPD um Vindorku á Íslandi. Skipulags- og framkvæmdanefnd þakkar kynninguna.

Umræða um fundaáætlun nefndarinnar vorið 2024. Fundir skipulags- og framkvæmdanefndar verða á mánudögum og hefjast þeir kl. 16:00