Skipulags- og framkvæmdanefnd

Svör við athugasemdum vegna auglýsinga á nýju deiliskipulagi Norðfjörður - tjaldsvæði. Skipulags- og framkvæmdanefnd samþykkir drög að svörum við athugasemdum við auglýsingu og vísar erindinu til endanlegrar samþykktar í bæjarstjórn.

Umsókn um lóð Blómsturvellir 31, Norðfirði. Skipulags- og framkvæmdanefnd samþykkir lóðarúthlutnunina og vísar erindinu í bæjarráð.

Umsókn um stækkun á lóð vegna nú þegar byggðrar viðbyggingar sem reist var í óleyfi. Skipulags- og framkvæmdanefnd frestar afgreiðslu á stækkun lóðar og felur skipulags- og byggingarfulltrúa að óska eftir frekari gögnum og leggja fyrir nefndina að nýju.

Umsókn um framkvæmdaleyfi vegna efnstöku í Skuggahlíðarnámu. Skipulags- og framkvæmdanefnd samþykkir framkvæmdaleyfið og felur skipulags- og byggingarfulltrúa að gefa út framkvæmdaleyfi þegar öllum tilskyldum gögnum hefur verið skilað.

Fjarlægja vinnubúðir að Hlíðabrekku 5 og 7, Fáskrúðsfirði. Skipulags- og framkvæmdanefnd samþykkir að fjarlægðar verði vinnubúðir við Híðarbrekku 5-7 á Fáskrúðsfirði á kostnað eiganda. Stöðuleyfi vinnubúðanna er útrunnið síðan 27.9.2023 og hefur eiganda, ítrekað, verið gert að fjarlægja þær en ekki hefur verið brugðist við þeim tilmælum. Er HAUST upplýst um málið og hefur einnig tilkynnt eiganda um að vinnubúðirnar eigi að fara af staðnum.

Aðgengi að Lundargötu 4, Reyðarfirði. Skipulags- og framkvæmdarnefnd áréttar að aðgengi að Lundargötu 4 sé frá viðkomandi götu. Nefndin felur skipulags- og byggingarfulltrúa að svara bréfritara.

Erindi til Bæjarráðs vegna Sólvellir Breiðdalsvík, athafnasvæði. Erindið var einnig lagt fram á fundi Skipulags- og framkvæmdanefndar nr.17 þann 25.sept 2024. Skipulags- og framkvæmdanefnd felur sviðsstjóra að fara yfir erindið frekar og leggja tillögur fyrir nefndina að nýju um úrvinnslu þess.

Ósk um breyttan opnunartíma móttökustöðvar á Stöðvarfirði. Lagt fyrir skipulags- og framkvæmdanefnd ósk um breyttan opnunartíma á móttökustöð á Stöðvarfirði. Skipulags- og framkvæmdanefnd hefur nú til skoðunar málefni tengd móttökustöðvum og sorphirðu á næstu mánuðum í vinnu sinni. Erindinu er vísað til skoðunar í þeirri vinnu.

Framlagt bréf Lögmannsstofu Sævars Þórs vegna fasteignarinnar að Strandgötu 94 í Fjarðabyggð og gildandi skipulags svæðisins og áætlana um göngustíg með fjörunni sem hluta af sjávarvörnum. Skipulags- og framkvæmdanefnd felur sviðsstjóra að afla frekari gagna og leggja fyrir nefndina að nýju

Framlagt boð á IIIX. Umhverfisþing. Umfjöllunarefni þingsins eru náttúruvernd, loftslagsmál og aðlögun að loftslagsbreytingum. Skipulags- og framkvæmdanefnd þakkar boðið og felur sviðsstjóra að ákveða með þátttöku á þinginu.

Lög fram til kynningar greinargerð fjármálastjóra um orkukaup fyrir fjarvarmaveitur. Bæjarráð samþykkti að gera samning um kaup á skerðanlegri orku í stað ótryggrar orku frá og með 1.11. 2024.

Rannsóknaráðstefna Vegagerðarinnar 1. nóvember. Skipulags- og framkvæmdanefnd þakkar boðið og felur sviðsstjóra að ákveða með þátttöku á þinginu.

Tillaga að gjaldskrá Sorpsamlags Fjarðabyggðar. Skipulags- og framkvæmdarnefnd samþykkir fyrir sitt leiti drög að gjalskrá og vísar henni til frekari umfjöllunar til bæjarráðs.

Áframhaldandi umræða um starfs- og fjárhagsáætlun skipulags- og framkvæmdanefndar fyrir árið 2025. Skipulags- og framkvæmdarnefnd vísar áætluninni til frekari fjárhagsáætlunargerðar.

Skipulagsdagurinn 2024. Skipulags- og framkvæmdanefnd þakkar boðið og skipulags- og byggingarfulltrúi mun sækja skipulagsdaginn.

Kynning á umsókn í framkvæmdasjóð ferðamanna 2025. Skipulags- og framkvæmdanefnd þakkar kynninguna.

Umræða um númeralausabíla og aðra lausafjármuni. Skipulags- og framkvæmdanefnd felur skipulags- og byggingarfulltrúa að hefja átak í málefnum tengdum númerislausum bílum með umhverfi og ásýnd byggðalaganna í huga.