Skipulags- og framkvæmdanefnd

Framlögð lóðaumsókn Ólafs Níels Eiríkssonar um lóðina að Hlíðargötu 7-9 á Fáskrúðsfirði. Skipulags- og framkvæmdanefnd samþykkir að úthluta lóðinni og vísar lóðaúthlutuninni til staðfestingar bæjarráðs.

Framlögð lóðaumsókn Róberts Óskars Sigurvaldasonar f.h. Búðinga ehf varðandi lóðarinna að Móbakka 16 í Neskaupstað. Skipulags- og framkvæmdanefnd samþykkir að úthluta lóðinni og vísar lóðaúthlutuninni til staðfestingar bæjarráðs.

Lögð fram umsókn Kristjáns Bjarnasonar, hönnuðar, f.h. Búðinga ehf um byggingaráform og byggingarleyfi, dagsett 18. febrúar 2024, þar sem sótt er um leyfi til byggingar parhúss á lóðinni á Sæbakka 17 í Neskaupstað. Skipulags- og framkvæmdanefnd felur byggingarfulltrúa að grendarkynna byggingaráform fyrir íbúum og leggja niðurstöðu grendarkynningar fyrir nefndina.

Framlagt bréf frá Náttúruhamfaratryggingum Íslands varðandi Mannvirki í eigu Fjarðabyggðar sem skylt er að Vátryggja. Sviðstjóra framkvæmda- og umhverfissviðs er falið að yfirfara listann m.t.t. hvort eitthvað vanti inn á hann.

Framlögð niðurstaða grendarkynningar vegna viðbygging við Þinghólsveg 5 í Mjóafirði. Ekki komu fram athugasemd við byggingaráform og undirritun íbúa nærliggjandi húss liggur fyrir. Skipulags- og framkvæmdanefnd felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Framlögð umsókn RARIK um byggingaráform og byggingarleyfi RARIK dagsett 7. febrúar vegna breytinga á húsinu að Hjallaleiru 9. Skipulags- og framkvæmdanefnd felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Framlögð umsókn Múlans Samvinnuhúss vegna breytingar á lóð og viðbyggingu við húsnæði félagsins við Bakkaveg 5 í Neskaupstað. Skipulags- og framkvæmdanefnd felur byggingarfulltrúa að grenndarkynna lóðabreytingu og byggingaráform og leggja niðurstöðu grenndarkynningar fyrir nefndina.

Framlögð skýrsla eldvarnareftirlits Fjarðabyggðar vegna íþróttahús í Neskaupstað. Sviðsstjóra framkvæmda- og umhverfissviðs er falið að gera úrbótaáætlun vegna þeirra athugasemda sem fram koma í skýrslunni og senda til eldvarnareftirlitsins.

Fundargerð stjórnar HAUST frá 1. febrúar 2024 lögð fram til kynningar.

Framlagt minnisblað umhverfis- og skipulagsfulltrúa varðandi stækkuna lóða að Hjallaleiru á Reyðarfirði. Málinu er frestað til næsta fundar.

Framlögð drög að breytingum á reglum um stöðuleyfi lausafjármuna. Umfjöllun um málið er frestað til næsta fundar.

Tekin fyrir að nýju drög samkomulags um skógrækt við Skógræktarfélag Reyðarfjarðar. Skipulags- og framkvæmdanefnd samþykkir drögin og felur verkefnastjóra umhverfismála að leggja samningin fyrir Skógræktarfélag Reyðarfjarðar.

Framlagt minnisblað sviðsstjóra framkvæmda- og umhverfissviðs vegna umsókna í Fiskeldissjóð fyrir árið 2024. Umhverfis- og skipulagsnefnd að vinna áfram að málinu á grundvelli minnisblaðs, og þeirra breytinga sem bæjarráð hefur þegar lagt til. Málið verði tekið fyrir að nýju á næsta fundi áður en endanlegar umsóknir eru sendar inn til sjóðsins.

Framlögð umsókn Fjarðabyggðarhafna dagsett 14. febrúar 2024 um framkvæmdaleyfi vegna stækkunar Mjóeyrarhafnar. Skipulags- og framkvæmdanefnd felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.

Vísað frá bæjarráði til umfjöllunar í skipulags- og framkvæmdanefnd erindi Sigfúsar Vilhjálmssonar vegna vatnsveitu og ýmissa mála í Mjóafirði. Sviðstjóra framkvæmda- og umhverfissviðs er falið að vinna áfram að málefnum vatnsveitu í Mjóafirði í samráði við bréfritara.

Framlögð umsókn Mílu vegna framkvæmdaleyfi vegna lagningu ljósleiðara í Neskaupstað. Skipulags- og framkvæmdanefnd felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.

Framlögð umsókn Mílu um framkvæmdaleyfi vegna lagningu ljósleiðara á Eskifirði. Skipulags- og framkvæmdanefnd felur skipulagsfulltrúa að gefa út framkvæmdaleyfi þegar öllum tilskyldum gögnum hefur verið skilað.