Skipulags- og framkvæmdanefnd
6. fundur
4. apríl 2024
kl.
15:30
-
17:15
í Molanum fundarherbergi 5
Nefndarmenn
Þuríður Lillý Sigurðardóttir
formaður
Kristinn Þór Jónasson
varaformaður
Elís Pétur Elísson
aðalmaður
Þórdís Mjöll Benediktsdóttir
aðalmaður
Hjördís H. Seljan Þóroddsdóttir
aðalmaður
Starfsmenn
Svanur Freyr Árnason
embættismaður
Fundargerð ritaði:
Svanur Freyr Árnason
sviðsstjóri skipulags- og framkvæmdasviðs
Dagskrá
1.
Drög að breytingum á reglum um stöðuleyfi lausafjármuna.
Drög að breytingum á reglum um stöðuleyfi lausafjármuna. Skipulags- og framkvæmdanefnd felur skipulags- og byggingarfulltrúa að gera lítilsháttar breytingar á reglum um stöðuleyfi lausafjármuna og leggja fyrir nefnd að nýju.
2.
Breyting á endurgjaldi sérstakrar söfnunar 2023 og 2024
Tilkynning Úrvinnslusjóðs um niðurfellingu greiðslna vegna sérstakrar söfnunar (græna tunnan) frá maí 2024, mótmæli fjármálastjóra og svar sjóðsins. Skipulags- og framkvæmdanefnd þakkar kynninguna.
3.
Starfshópur um nýtingu mannvirkja
Vísað frá bæjarráði til afgreiðslu skipulags- og framkvæmdanefndar skipan tveggja fulltrúa í starfshóp um nýtingu mannvirkja í rekstri Fjarðabyggðar. Skipulags- og framkvæmdanefnd tilnefnir: Þuríði Lillý fulltrúa framsóknarflokksins og Benedikt Jónsson fulltrúi sjálfstæðisflokksins.
4.
Einangrun og kynding í Fjarðabyggðarhöllina
Lagt fram til kynningar tilboð frá Jötunverk ehf í viðhald á þaki Fjarðabyggðarhallarinnar. Skipulags- og framkvæmdanefnd þakkar fyrir kynninguna og fagnar því að framgangur sé kominn í málið.
5.
Styrkvegir í Fjarðabyggð 2024
Lagt fram til kynningar umsóknir vegna styrkvega í Fjarðabyggð. Skipulags- og framkvæmdanefnd samþykkir framlagðar umsóknir til Vegagerðarinnar vegna styrkvega 2024.
6.
Viðhald og nýframkvæmdir gatna Fjarðabyggð 2024
Lögð fram áætlun vegna viðhalds og framkvæmda gatna Fjarðabyggðar 2024. Skipulags- og framkvæmdanefnd tók tillöguna til umræðu og fól sviðsstjóra að vinna málið áfram og leggja fyrir nefnd á næsta fundi.
7.
Endurskoðun stuðningskerfa í skógrækt og landgræðslu - ábendingar og tillögur
Lögð fram tillaga Fjarðabyggðar að svari við erindi Lands og Skóga. Skipulags- og framkvæmdanefnd samþykkir tillöguna með fyrirvara.
8.
Saman gegn sóun - tækifæri til að hafa áhrif á nýja stefnu um úrgangsforvarnir
Framlagt bréf frá verkefninu Saman gegn sóun en boðað er til opins fundar á Egilsstöðum mánudaginn 22. apríl kl. 13:00. Skiplags- og framkvæmdanefnd sendir fulltrúa á fundinn.