Skipulags- og framkvæmdanefnd

Lóðarmál við Hjallaleiru 13 til 19. Minnisblað vegna lóða við Hjallaleiru 13, 15, 17 og 19 lagt fram. Skipulags- og framkvæmdanefnd felur bæjarstjóra, sviðsstjóra framkvæmda- og umhverfissviðs, skipulags- og byggingarfulltrúa og formanni skipulags- og framkvæmdanefndar að vinna málið áfram.

Mógerði 1 - Umsókn um byggingaráform og byggingarleyfi. Skipulags- og framkvæmdanefnd felur skipulagsfulltrúa að grenndarkynna byggingaráformin.

Bakkabakki 2b - Umsókn um byggingaráform og byggingarleyfi. Skipulags- og framkvæmdanefnd felur skipulagsfulltrúa að grenndarkynna byggingaráformin.

Brekkugata 4 - Umsókn um byggingaráform og byggingarleyfi. Niðurstaða grenndarkynningar kynnt. Grenndarkynning samþykkt með undirskriftum. Skipulags- og framkvæmdanefnd felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Bakkavegur 5 - Umsókn um byggingaráform og byggingarleyfi. Niðurstaða grenndarkynningar og svör við athugasemdum. Skipulags- og framkvæmdanefnd samþykkir drög að athugasemdum við grenndarkynningu og felur skipulags- og byggingarfulltrúa að upplýsa þá er málið varðar og gefa út byggingarleyfi þegar öllum tilskildum gögnum hafa verið skilað.

Austurvegur 4 - Umsókn um byggingaráform og byggingarleyfi. Skipulags- og framkvæmdanefnd felur skipulagsfulltrúa að grenndarkynna byggingaráformin.

Svarthamrar - Umsókn um byggingaráform og byggingarleyfi. Skipulags- og framkvæmdanefnd felur skipulagsfulltrúa að gefa út byggingarleyfi þegar öllum tilskildum gögnum hefur verið skilað.

Sæbakki 17 - Umsókn um byggingaráform og byggingarleyfi. Niðurstaða grenndarkynningar, engar athugasemdir bárust. Skipulags- og framkvæmdanefnd samþykkir fyrir sitt leyti byggingaráformin og felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Breyting á deiliskipulagi Miðbæjar Reyðarfirði. Auglýsingartíma lokið, engar athugasemdir bárust. Skipulags- og framkvæmdanefnd samþykkir fyrir sitt leyti breytingu á deiliskipulagi Miðbæjar Reyðarfirði. Nefndin vísar erindinu til samþykktar í bæjarstjórn.

Breyting á aðalskipulagi tjaldsvæði á Stöðvarfirði. Skipulags- og framkvæmdanefnd samþykkir fyrir sitt leiti óverulega breytingu á aðalskipulagi og vísar erindinu til afgreiðslu bæjarstjórnar.

Umsókn um endurnýjun á lóðaleigusamningi Brekkugerði 18. Óskað er eftir stækkun á lóð til austur. Skipulags- og framkvæmdanefnd samþykkir stækkun lóðar um 15m til austurs og felur skipulagsfulltrúa að útbúa nýjan lóðarleigusamning.

Samningur við Skógræktarfélag, athugasemd viðsemjenda við drög að samningi og ósk um endurskoðun á 4. grein. Skipulags- og framkvæmdanefnd felur verkefnastjóra umhverfismála að uppfæra 4.gr samnings í samráði við umræður á fundinum og leggja fyrir á næsta fund.

Drög að breytingum á samþykkt Fjarðabyggðar um fiðurfé. Skipulags- og framkvæmdanefnd samþykkir uppfærða samþykkt um fiðurfé í Fjarðabyggð og vísar til samþykktar í bæjarstjórn.

Drög að breytingum á reglum um stöðuleyfi lausafjármuna. Skipulags- og framkvæmdanefnd felur skipulags- og byggingarfulltrúa að uppfæra reglur um stöðuleyfi lausafjármuna í samræmi við umræður á fundinum og vísar til bæjarstjórnar.

Beiðni um að fá að setja bekk við Barkinn á Reyðarfirði. Skipulags- og framkvæmdanefnd fagnar framtakinu og samþykkir áformin. Nefndin felur sviðsstjóra að vera í sambandi við bréfritara.

Framlagður til kynningar tölvupóstur frá IMaR um ráðstefnu sem er árleg og er samstarfsverkefni Háskólans í Reykjavík og Verkfræðingafélagsins. Í ár er ráðstefnan að stórum hluta helguð sjálfbærni og sorporkumálum (e. Sustainability and waste to energy). Skipulags- og framkvæmdanefnd þakkar kynninguna.

Umsagnarbeiðni um stækkun á athafna- og hafnasvæði Djúpavogs. Skipulags- og framkvæmdanefnd gerir ekki athugasemd við fyrirhugaðar breytingar á athafna- og hafnarsvæði Djúpavogs.

Framlagt bréf frá verkefninu Saman gegn sóun en boðað er til opins fundar á Egilsstöðum mánudaginn 22. apríl kl. 13:00. Skiplags- og framkvæmdanefnd sendir fulltrúa á fundinn.

Lagt fram til kynningar afrakstur hugmyndavinnu að sérstöku átaki vorið 2024 þar sem íbúar og fyrirtæki verða hvött til þátttöku til hreinsunar og hirðingar í nærumhverfinu. Skipulags- og framkvæmdanefnd líst vel á áformin og þakkar kynninguna.