Skipulags- og framkvæmdanefnd

Umræða um stöðu mála varðandi æðarvarp á Reyðarfirði. Skipulags- og framkvæmdanefnd felur verkefnastjóra umhverfismála að friðlýsa æðarvarp í landi Kollaleiru í Reyðarfirði og hefja undirbúning að útboði varpsins í kjölfarið fyrir varptíma 2024.

Framlögð tillaga að nýrri staðsetningu gámasvæðis á Reyðarfirði. Skipulags- og framkvæmdanefnd felur sviðsstjóra framkvæmda- og umhverfissviðs að ræða verkefnastjóra hafna varðandi mögulega staðsetningu á nýs gámasvæðis á Mjóeyrarhöfn.

Framlögð tillaga að svari til HAUST vegna Breiðabliks. Skipulags- og framkvæmdanefnd samþykkir drög að svari og felur sviðsstjóra framkvæmda- og umhverfissviðs að svara erindinu.

Framlagður úrskurður umhverfis- og auðlindanefndar vegna Hafnargötu 36 á Fáskrúðsfirði. Skipulags- og framkvæmdanefnd þakkar fyrir kynninguna.

Umsókn um byggingaráform og byggingarleyfi Fjarðabyggðarhafna að Leirubakka 9 á Eskifirði. Skipulags- og framkvæmdanefnd felur skipulags- og byggingarfulltrúa að grenndarkynna byggingaráformin.

Framlögð tillaga að breytingu á deilskipulaginu Leira 1 á Eskifirði. Skipulags- og framkvæmdanefnd frestar málinu vegna fyrirhugaðra breytinga á aðalskipulagi.

Framlögð umsókna Gunnars Geirs Kristjánssonar um endurnýjun á lóðaleigusamningi fyrir lóðina að SKólavegi 56 á Fáskrúðsfirði. Skipulags- og framkvæmdanefnd samþykkir stækkun lóðar og felur skipulags- og byggingarfulltrúa að gefa út nýjan lóðarleigusamning.

Framlögð umsókn um byggingaráfrom og byggingarleyfi Steindórs H. Stefánsson f.h. Hildibrand ehf. vegna nýbyggingar á lóðini að Egilsbraut 22. Skipulags- og framkvæmdanefnd felur skipulags- og byggingarfulltrúa að grenndarkynna byggingaráformin og leggja fyrir nefnd að nýju.

Ný fjárrétt í Norðfirði fyrir haustið 2024. Skipulags- og framkvæmdarnefnd felur skipulags- og byggingarfulltrúa að koma með tillögu að staðsetningu á fjárrétt í Norðfirði.

Mógerði 1 - Umsókn um byggingaráform og byggingarleyfi. Niðurstaða grenndarkynningar, lagðar fram undirskriftir allra hlutaðeigandi aðila. Skipulags- og framkvæmdanefnd felur skipulags- og byggingarfulltrúa að gefa út byggingarleyfi er öllum tilskyldum gögnum hefur verið skilað.