Skipulags- og framkvæmdanefnd

Lagðar fram tillögur og minnisblað frá sprettfundi um úrgangsmál 24.4. 2024 auk minnisblaðs um viðræður við forsvarsmenn Kubbs. Skipulags- og framkvæmdanefnd þakkar kynninguna.

Vísað frá bæjarráði til skipulags- og framkvæmdanefndar áframhaldandi vinnslu á útfærslu á æðavarpi í landi Kollaleiru. Bæjarráð samþykkti á fundi sínum 15. maí 2023 að landsvæðið fyrir æðavarp í Kollaleirulandi verði ekki boðið út heldur verði landsvæðið sem almennt land í eigu Fjarðabyggðar án heimilda til nota af neinu tagi og sé opið almenningi. Skipulags- og framkvæmdanefnd stendur við fyrri ákvörðun um að friðlýsa æðavarpi í landi Kollaleiru og bjóða nytjar þess út í kjölfar friðlýsingar.

Vísað frá bæjarráði til skipulags- og framkvæmdanefndar að nýju til áframhaldandi vinnu og útfærslu. Skipulags- og framkvæmdanefnd samþykkir drög að breytingum á samþykkt um fiðurfé og vísar erindinu í bæjarráð.

Hlíðargata 7-9 - Niðurstaða grenndarkynningar kynnt. Engar athugasemdir bárust. Skipulags- og framkvæmdanefnd samþykkir fyrir sitt leyti byggingaráformin og felur byggingarfulltrúa að gefa út byggingarleyfi þegar öllum tilskyldum gögnum hefur verið skilað. Málinu er vísað til afgreiðslu í bæjarstjórn.

Austurvegur 4 - Niðurstaða grenndarkynningar kynnt. Grenndarkynning samþykkt með undirskriftum. Skipulags- og framkvæmdanefnd felur byggingarfulltrúa að gefa út byggingarleyfi þegar öllum tilskyldum gögnum hefur verið skilað. Erindinu er vísað til afgreiðslu í bæjarstjórn.

Óskað eftir stækkun á lóð að Skólavegi 85a. Skipulags- og framkvæmdanefnd samþykkir fyrir sitt leiti stækkun lóðarinnar í samræmi við lóðarblað og vísar erindinu til bæjarráðs.

Óskað eftir stækkun á lóð að Bakkabakka 2b. Skipulags- og framkvæmdanefnd samþykkir fyrir sitt leiti breytingar á lóðamörkum Bakkabakka 2b og Nesgötu 40 í samræmi við tillögu frá umsækjanda. Nefndin vísar erindinu í bæjarráð.

Egilsbraut 22 - Niðurstaða grenndarkynningar kynnt. Grenndarkynning samþykkt með undirskriftum. Skipulags- og framkvæmdanefnd felur byggingarfulltrúa að gefa út byggingarleyfi þegar öllum tilskyldum gögnum hefur verið skilað. Erindinu er vísað til afgreiðslu í bæjarstjórn.

Lögð fram að nýju áætlun vegna viðhalds og framkvæmda gatna Fjarðabyggðar 2024. Skipulags- og framkvæmdanefnd samþykkir drög að áætlun um viðhald og framkvæmdir gatna fyrir árið 2024.

Umsókn Vegagerðarinar um framkvæmdaleyfi fyrir efnistöku við Breiðdalsá. Skipulags- og framkvæmdanefnd felur skipulags- og byggingarfulltrúa að gefa út framkvæmdaleyfi þegar öllum tilskyldum gögnum hefur verið skilað.

Farið yfir fyrirhugaða vinnu við gerð fjárhagsáætlunar 2025.Teknar verða fyrir starfsáætlanir málaflokka skipulags- og framkvæmdanefndar á næstu fundum nefndarinnar. Sviðstjóra og stjórnendum málaflokka falið að vinna drög að starfsáætlun.

Vísað frá bæjarráði til umfjöllunar í skipulags- og framkvæmdanefnd bréfi frá Orku náttúrunnar um uppbyggingu hleðsluinnviða. Skipulags- og framkvæmdanefnd felur sviðsstjóra að ræða við forsvarsmenn Orku náttúrunnar.

Framlögð niðurstaða Fiskeldissjóðs um úthlutun framlaga til verkefna sem Fjarðabyggð sótti um á árinu 2024. Stjórn fiskeldisjóðs hefur úthlutað 437,2 milljónum kr til sextán verkefna í sjö sveitarfélögum. Af því var úthlutað til Fjarðabyggðar 151.840.000 kr. til fjögurra verkefna. Fráveita á Breiðdalsvík, seinni hluti, hreinsivirki, samtals úthlutað 26.494.000 kr. Kaup á slökkvibifreið, Fjarðabyggð, samtals úthlutað 44.452.000 kr. Leikskólinn Dalborg, Eskifirði, innanhúsfrágangur, samtals úthlutað 40.447.000 kr. Lenging Strandabryggju, Fáskrúðsfirði samtals úthlutað 40.447.000 kr. Skiulags- og framkvæmdanefnd þakkar kynninguna og samþykkir tillögu að afgreiðslu á fjárhæðum samkvæmt minnisblaði.

Vísað frá bæjarráði til skipulags- og framkvmdanefndar niðurstöðu í úthlutun úr Framkvæmdasjóði ferðamannastaða en Fjarðabyggð fékk úthlutað í verkefnin Bleiksársfoss, hönnun kr. 2.460.080 og Streitishvarf, göngustígar kr. 25.000.000. Skipulags- og framkvæmdanefnd þakkar kynninguna og felur sviðsstjóra að vinna málið áfram.

Fundargerð 178. fundar Heilbrigðisnefnd Austurlands. Skipulags- og framkvæmdarnefnd þakkar kynninguna.

Fundaáætlun skipulags- og framkvæmdanefnd 2024 lögð fram. Skipulags- og framkvæmdanefnd samþykkir framlagða fundaráætlun.

Tillaga að staðsetningu fyrir póstbox á Stöðvarfirði. Skipulags- og framkvæmdanefnd samþykkir tillögu að staðsetningu fyrir sitt leyti.

Breiðimelur 1-3-5-7-9 - Umsókn um byggingaráform og byggingarleyfi. Skipulags- og framkvæmdanefnd felur skipulagsfulltrúa að grenndarkynna byggingaráformin.