Stjórn menningarstofu og safnastofnunar

Fram lagðar hugmyndir skipulags- og umhverfisfulltrúa og forstöðumanns menningarstofu um nýtingu lóðarinnar Ægisgötu 6 á Reyðarfirði til útisýninga listaverka.
Stjórn menningarstofu og safnastofnunar lýst mjög vel á þær hugmyndir sem fram eru lagðar og felur forstöðumanni menningarstofu í samstarfi við skipulags- og umhverfisfulltrúa að vinna að málinu fyrir næsta sumar.

Framlögð skýrsla forstöðumanns safnastofnunar um starfsemi safnanna á árinu 2022.

Framlögð greinargerð um starfsemi menningarstofu á árinu 2022 sem fjallar um verkefni og áherslur í starfsemi ásamt umfjöllun sem sveitarfélagið hefur fengið vegna menningarstarfsemi.

Menningarstefna Fjarðabyggðar þarfnast endurskoðunar en stefnan var í gildi fyrir árin 2019 til 2021. Umræða um framkvæmd endurskoðun stefnunnar.
Stjórn felur forstöðumanni menningarstofu að kanna fyrir næsta fund leiðir til endurskoðunar stefnunnar og ræða við aðila sem hafa komið að gerð stefnumörkunar í þessum málaflokkum. Lagt fyrir næsta fund stjórnar.

Farið yfir framkvæmdir við bókasafnið á Norðfirði og stöðu safnsins. Greinargerð forstöðumanns Safnastofnunar lögð fram á fundi.