Stjórn menningarstofu og safnastofnunar

Farið yfir undirbúning og vinnu við gerð fjárhagsáætlunar Fjarðabyggðar fyrir árið 2024. Verður tekið fyrir á næsta fundi stjórnar.

Framlagt erindi til stjórnar menningarstofu- og safnastofnunar frá Tanna Travel um verðskrá safna vegna lokunar Stríðsárasafns.
Stjórn getur ekki orðið við erindi. Forstöðumanni Safnastofnunar falið að svara bréfritara.

Vísað frá bæjarráði drögum að kostnaðaráætlun vegna uppbyggingar bragga á safnasvæði Íslenska stríðsárasafnsins ásamt minnisblöðum um uppsetningu sýningar fyrir sumarið 2023 og forvörslu muna safnsins til óákveðins tíma.
Stjórn samþykkir fyrir sitt leyti tillögur þær sem fram eru lagðar um húsaleigu vegna forvörslu muna Stríðsárasafnsins og sýningu þess sumarið 2023 við Ægisgötu á Reyðarfirði. Stjórn vísar til bæjarráðs kostnaðarþáttum þar sem málaflokkurinn hefur ekki fjármagn til ráðstafana sem lagðar eru fram í tillögum.

Stjórn samþykkir að veita styrk til reksturs og endurbóta húsnæðis Sköpunarmiðstöðvarinnar að fjárhæð 2 milljónir kr. samkvæmt fjárhagsáætlun ársins.

Framlagður tölvupóstur frá Guðjóni Birgi um ástand á búnaði í Egilsbúð á Norðfirði.
Vísað til fjárhagsáætlunargerðar 2024.

Vísað frá bæjarráði til umfjöllunar í stjórn menningarstofu- og safnastofnunar erindi Samvinnufélags útgerðamanna á Norðfirði vegna ritunar á Sögu Norðfjarðar. Samvinnufélagið leggur til að félagið standi straum af kostnaði við framhald ritunar sögu Norðfjarðar frá 1929 til 1998 og sveitarfélagið annist útgáfu bókarinnar.
Stjórnin þakkar samvinnufélaginu fyrir veglegt framlag til söguritunar og samþykkir að standa straum af kostnaði við útgáfu bókarinnar.

Vísað frá bæjarráði til stjórnar Menningarstofu- og Safnastofnunar erindi Áslaugar Lárusdóttur vegna Skjalasafns Norðfjarðar. Á fjárfestingaráætlun ársins er gert ráð fyrir lokaáfanga byggingar skjalasafnsins að Þiljuvöllum á Norðfirði og hillir undir flutning skjalasafnsins í varanlegt húsnæði. Fram lagt og kynnt.

Skýrsla frá Eflu verkfræðistofu var lögð fyrir bæjarráð þar sem kynntar voru mælingar og niðurstöður úr sýnatökum í bókasafninu á Eskifirði og grunnskólanum. Farið yfir stöðu bókasafnsins. Almenningsbókasafni hefur verið lokað en skólabókasafnið þjónar grunnskólanum á annarri hæð skólans.
Forstöðumaður Safnastofnunar fór yfir ráðstafanir sem gerðar hafa verið vegna lokunar safnsins og forvörslu safnmuna.

Forstöðumaður Menningarstofu kynnti skýrslu um BRAS 2022.