Stjórn menningarstofu

Forstöðumaður fór yfir verkefni liðinna mánaða og það sem helst er á döfinni framundan.
Stjórn þakkar samantektina og hvetur til þess að fjallað sé um viðburðina enn frekar á vettvangi sveitarfélagsins þar sem mikill fjöldi viðburða er í mánuði hverjum á vegum menningarstofu.

Farið yfir stefnur í menningar- og listalífi. Menningarstefnan bíður endurskoðunar. Tekin umræða um áherslur og strauma á næsta ári og gerð nýrrar stefnu.
Forstöðumanni falið að útfæra vinnu við endurskoðun stefnunnar í upphafi nýs árs og leggja fyrir stjórnina.

Árni Pétur Árnason hefur verið ráðinn sem verkefnastjóri safna hjá Menningarstofu. Áhersluverkefni næsta árs í söfnum ásamt hugmyndum um umbætur í þjónustu og nýsköpun í rekstri þeirra rædd.

Farið yfir rekstur ársins 2024 og stöðu málaflokksins.

Farið yfir áherslur í starfsemi málaflokksins á komandi ári og fjármögnun verkefna.

Framlögð til kynningar drög að sóknaráætlun Austurlands en hún er til kynningar og umsagnar í samráðsgátt og verður til 12. desember nk.