Stjórn menningarstofu

Rædd drög að söfnunarstefnum fyrir Fjarðabyggð. Farið yfir heimsóknir í geymslur safnanna og forgangsröðun verkefna. Jafnframt kynnt umsókn í nýsköpunarsjóð námsmanna sem er til að styðja við verkefni í forvörslu og grisjun safnakosts.

Framlögð drög að áætlun um forvörslu og grisjun muna úr Strandgötu 62 á Norðfirði í Atóm.
Stjórn samþykkir framlögð drög og felur verkefnastjóra safna að vinna áfram að söfnunarstefnu fyrir söfn í eigu sveitarfélagsins. Stefnan verður tekin fyrir í stjórn þegar drög liggja fyrir.

Framlögð beiðni áhugafólks um afnot af aðstöðu til hljómsveitaræfinga í Skrúð.
Stjórn menningarstofu tekur vel í erindið og felur stjórnanda íþróttamála að útfæra afnot af húsnæði með bréfritara ásamt því að setja upp leigusamning í samráði við bæjarritara sem lagður verður fyrir bæjarráð.

Gerð grein fyrir umsókn í Fiskeldissjóð til endurgerðar Íslenska Stríðsárasafnsins.

Gerð grein fyrir umsókn í Fiskeldissjóð til uppbyggingar varðveisluhúss fyrir minjasöfn í Fjarðabyggð.

Framlagður til kynningar viðauki við menningarsamning Fjarðabyggðar við Samband sveitarfélaga á Austurlandi.