Umhverfis- og skipulagsnefnd

Vísað frá bæjarráð til mannvirkja- og veitunefndar til útfærslu. Framlagt minnisblað varðandi fyrirkomulag og kostnað við uppsetningu og rekstur grendarstöðva í Fjarðabyggð. Bæjarráð samþykkir að vísa opnun grenndarstöðva í Fjarðabyggð til fjárhagáætlunargerðar 2024. Fyrirkomulag þjónustu mótttökustöða á árinu 2023 verði endurskoðað með tilliti til þarfa fyrir lágmarksopnun til að þjónusta einstaklinga. Tillögur sem samþykktar voru fyrir 22. febrúar 2023 verði að öðru leyti útfærðar og komið í framkvæmd. Umhverfis- og skipulagsnefnd samþykkir að fresta opnunum grenndarstöðva til fjárhagsáætlunargerðar 2024, nefndin mun í samstarfi við starfsmenn vinna að nánari útfærslu að grenndarstöðvum.

Vakin er athygli á miklu álagi af völdum ferðamanna við Klifurbrekkufossa. Enginn vafi er að álagið á gróður og jarðveg hefur aukist þar undanfarin ár. Í bréfi NA er lagt til að brúa með einfaldri göngubrú, lækinn við bílastæðin. Það gæti stuðlað að betri umgengni í kringum þann læk. Brekkur og götur handan við lækinn munu eftir sem áður þurfa að þola talsvert rask. Búast má við jafnvel enn meira álagi á svæðið á næstu árum. Umhverfis- og skipulagsnefnd tekur vel í erindið og felur verkefnastjóra umhverfismála að vinna erindið áfram í samráði við framkvæmdasvið.

Beiðni um heimild til nýtingar varpstaða á Reyðarfirði. Umhverfis- og skipulagsnefnd heimilar ekki nýtingu svæðissins árið 2023. Fyrirhugað er að auglýsa nýtingu svæðissins til dúntöku árið 2024. Nefndin felur verkefnastjóra umhverfismála að hafa samband við þá er málið varðar.

Þuríður Lillý vék af fundi vegna vanhæfni undir þessum lið.

Ystidalur 7, Eskifirði - Umsókn um byggingaráform og byggingarleyfi. Umhverfis- og skipulagsnefnd samþykkir umsókn um byggingarleyfi með fyrirvara um grenndarkynningu.

Ystidalur 9, Eskifirði - Umsókn um byggingaráform og byggingarleyfi. Umhverfis- og skipulagsnefnd samþykkir umsókn um byggingarleyfi með fyrirvara um grenndarkynningu.

Umsókn um lóð fyrir parhús að Litlagerði 1, Reyðarfirði. Umhverfis- og skipulagsnefnd samþykkir að úthluta lóðinni og vísar til endanlegrar afgreiðslu bæjarráðs. Nefndin áréttar að gert er ráð fyrir einbýli á lóðinni skv. gildandi deiliskipulagi.

Umsókn um lóð fyrir blandað íbúðarhús og þjónustu að Búðaveg 57, Fáskrúðsfirði. Umhverfis- og skipulagsnefnd samþykkir að úthluta lóðinni og vísar til endanlegrar afgreiðslu bæjarráðs.

Umsókn um breytingu á deiliskipulagi og stækkun á lóð að Hjallaleiru 1. Umhverfis- og skipulagsnefnd samþykkir umsókn um stækkun lóðar.

Umsókn um stækkun á lóð að Búðareyri 6, Reyðarfirði. Umhverfis- og skipulagsnefnd samþykkir að stækka lóðina. Tré beggja vegna gangstéttar verða utan lóðamarka. Nefndin felur skipulags- og umhverfisfulltrúa að gera nýjan lóðarleigusamning.

Umsókn um endurnýjun á lóðaleigusamningi varðandi Hafnarbraut 15, Neskaupstað. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn um endurnýjun á lóðaleigusamningi Hafnarbraut 48, Neskaupstað. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Drög að nýjum reglum um lóðarúthlutanir kynntar. Umhverfis- og skipulagsnefnd frestar málinu.

Ársskýrsla Náttúrustofu Austurlands 2023 til kynningar. Umhverfis- og skipulagsnefnd þakkar fyrir kynninguna.

Umsókn um endurnýjun á lóðaleigusamningi varðandi Skólaveg 85a, Fáskrúðsfirði. Umhverfis- og skipulagsnefnd frestar málinu.