Umhverfis- og skipulagsnefnd

Farið yfir vinnu við fjárhagsáætlun 2024 í málefnum nefndarinnar. Fjármálastjóri mætir á fundinn. Umhverfis- og skipulagsnefnd þakkar kynninguna.

Vísað frá bæjarstjórn til umhverfis- og skipulagsnefndar ástandi á ruslatunnum á almenningssvæðum í Fjarðabyggð sem ungmennaráð hefur vakið athygli á. Umhverfis- og skipulagsnefnd þakkar erindið og felur verkefnastjóra umhverfismála að vinna málið áfram í samræmi við umræður á fundinum.

Vísað frá bæjarstjórn til umhverfis- og skipulagsnefndar tillögu ungmennaráðs um almenningssamgöngur í Fjarðabyggð. Umhverfis- og skipulagsnefn þakkar erindið og felur verkefnastjóra umhverfismála að skoða útfærslur á málinu þegar núgildandi samningur um almenninssamgöngur rennur út.

Umhverfis- og samgöngunefnd Alþingis sendir yður til umsagnar frumvarp til laga um tímabundnar undanþágur frá skipulags- og byggingarlöggjöf og skipulagi, 1028. mál. Umhverfis- og skipulagsnefn þakkar kynninguna.

Lagt er fyrir nefndina hugmynd að úrvinnsluferli fyrir dýrahræ, Starfssemin mun verða byggð upp í Eyjafirði og söfnunarferlar hannaðir m.a. inná Austurland ef áhugi er á samstarfi/viðskiptum. Lagt fram til upplýsinga um þá hugmyndavinnu sem er í gangi. Umhverfis- og skipulagsnefnd þakkar kynninguna og fagnar áformum um uppbyggingu líforkuvers á Dysnesi.

Berist til allra sveitarstjórna á landinu um skipulag skógræktar í landinu. Umhverfis- og skipulagsnefnd þakkar kynninguna.

Framkvæmdaleyfi fyrir skógrækt Kross Mjóafirði. Umhverfis- og skipulagsnefnd samþykkir úthlutun á framkvæmdaleyfi fyrir skógrækt á jörðinni Kross í Mjóafirði er öllum tilskyldum gögnum hefur verið skilað.

Umsögn og ábending vegna skýrslu um vindorkumál. Í síðasta mánuði kom út skýrsla á vegum Umhverfis-, orku- og loftslagsráðuneytisins um vindorkumál. Skýrslan er nú til umsagnar í samráðsgátt ráðuneytisins. Samtök orkusveitarfélaga hvetja aðildarsveitarfélögin til að senda umögn eða ábendingar um efni skýrslunnar í gegn um samráðsgáttina fyrir 18 maí nk.

Umhverfis- og skipulagsnefnd fagnar þeirri vinnu sem hafin er og þakkar skýrslu starfshóps um nýtingu vindorku. Enn er þó mörgum spurningum ósvarað og umtalsverð stefnumótunarvinna sem á eftir að eiga sér stað. Mikilvægt er að halda áfram þessari vinnu og taka til nánari skoðunar tekjuhlutdeild nærsamfélaganna og sveitarfélaga en samtök orkusveitarfélaga hafa vakið athygli á því síðustu misseri hversu mikið hallar á sveitarfélög þegar kemur að tekjum fyrir orkumannvirki.

Litlagerði 1, Reyðarfirði fyrir parhús - Umsókn um byggingaráform og byggingarleyfi. Áformin hafa verið kynnt nágrönnum og hafa þeir veitt samþykki sitt fyrir óverulegri breytingu á deiliskipulagi og grenndarkynningu telst þar með lokið. Umhverfis- og skipulagsnefnd samþykkir umsókn um byggingarleyfi og felur byggingarfulltrúa að gefa út leyfi er öllum tilskyldum gögnum hefur verið skilað.

Litlagerði 7, Reyðarfirði - Umsókn um byggingaráform og byggingarleyfi fyrir parhús. Umhverfis- og skipulagsnefnd samþykkir umsókn um byggingarleyfi og felur byggingarfulltrúa að gefa út leyfi er öllum tilskyldum gögnum hefur verið skilað.

Umsókn um lóð að Lyngbakka 2, Neskaupstað. Umhverfis- og skipulagsnefnd samþykkir að úthluta lóðinni með fyrirvara um breytingu á byggingarreit og aðkomu að húsinu og vísar til endanlegrar afgreiðslu bæjarráðs.

Umsókn um endurnýjun á lóðaleigusamningi að Árgötu 5, Reyðarfirði. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn um endurnýjun á lóðaleigusamningi Vallargerði 1, Reyðarfirði. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn um endurnýjun á lóðaleigusamningi Skólavegur 85A, Fáskrúðsfirði. Umhverfis- og skipulagsnefnd frestar málinu vegna misræmis í landeignaskrá.

Umsókn um endurnýjun á lóðaleigusamningi Strandgötu 2, Neskaupstað. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn um endurnýjun á lóðaleigusamningi Strandgötu 4, Neskaupstað. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn Fjarðabyggðar um endurnýjun á lóðaleigusamningi Fjarðarbraut 40b, Stöðvarfirði. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Skipulags- og matslýsing fyrir Nes- og Bakkgil til samþykktar. Umhverfis- og skipulagsnefnd samþykkir skipulags- og matslýsingu fyrir Nes- og Bakkagil og vísar erindinu í bæjarráð.

Drög að nýjum reglum um lóðarúthlutanir kynntar. Umhverfis- og skipulagsnefnd samþykkir nýjar reglur um lóðarúthlutanir í Fjarðabyggð og vísar til samþykktar í bæjarstjórn.

Umsókn um stöðuleyfi fyrir 20 feta gám á gámasvæði Reyðarfirði. Umhverfis- og skipulagsnefnd samþykkir umsókn um stöðuleyfi fyrir 20 feta gám á gámasvæði Reyðarfirði

Vísað frá bæjarstjórn til umfjöllunar fagnefnda drögum að samskipta- og vefstefnu Fjarðabyggðar ásamt stefnu um innri samskipti. Umhverfis- og skipulagsnefnd þakkar kynninguna en vekur athygli á ósamræmi í áætlunum um endurskoðun á samskiptastefnu. Auk þess vantar frekari skýringar á undirkaflanum "Merki Fjarðabyggðar".

Vísað frá bæjarráði til afgreiðslu umhverfis- og skipulagsnefndar beiðni frá Minjavernd um heimild til að selja lóðarréttindi vegna Skólavegar 70A og gerð nýs lóðarleigusamnings. Vísað til afgreiðslu umhverfis- og skipulagsnefndar. Umhverfis- og skipulagsnefnd samþykkir heimild til að selja lóðarréttindi vegna Skólavega 70a.

Ósk Nestaks um lækkun á gatnagerðargjöldum fyrir nýbyggingu að Naustahvammi 58, Neskaupstað. Umhverfis- og skipulagsnefnd getur því miður ekki fallist á umsókn um lækkun á gatnagerðagjöldum. Nefndin telur þessa framkvæmd ekki falla undir 6. gr. laga nr. 153/2006.

Íbúasamtök Eskifjarðar óska eftir leyfi til að smíða svið á Eskju tún. Umhverfis- og skipulagsnefnd samþykkir stöðuleyfi í samráði við byggingarfulltrúa. Nefndin áréttar að stöðuleyfi þetta er gefið út með þeim skilyrðum að ekki komi til annarra nota á svæðinu og með fyrirvara um framtíðarskipulag á svæðinu. Einnig vill nefndin árétta að svæðinu sé skilað í því ástandi sem það er nú, þegar stöðuleyfi rennur út. Stöðuleyfi þetta gildir til lok árs 2025 með möguleika á endurnýjun.

Umsókn um lóð að Ægisgötu 1, Reyðarfirði. Umhverfis- og skipulagsnefnd samþykkir að úthluta lóðinni og vísar til endanlegrar afgreiðslu bæjarráðs.

Athugasemd Skipulagsstofnunar vegna deiliskipulags Dals athafnasvæðis. Umhverfis- og skipulagsnefnd felur skipulags- og umhverfisfulltrúa að vinna skipulagið áfram.

Fundaáætlun USK 2023. Umhverfis- og skipulagsnefnd frestar málinu.