Umhverfis- og skipulagsnefnd

Bæjarstjórn vísar dagskrárlið til umfjöllunar umhverfis- og skipulagsnefndar að nýju. Umhverfis- og skipulagsnefnd stendur við fyrri ákvörðun sína í ljósi þess að stækkun lóða fer út fyrir deiliskipulagsmörk. Einnig fer stækkunin út fyrir landnotkunarflokk iðnaðar- og athafnasvæðis og fer inn á landbúnaðarsvæði skv. Aðalskipulagi Fjarðabyggðar 2020-2040.

Úrgangsmál 2023 - kynningaefni og fleira. Meirihluti Framsóknar og Fjarðalista samþykkir tillögu 3 í minnisblaði verkefnastjóra umhverfismála: Greining kostnaðarliða v/reksturs móttökustöðva. Nefndin felur verkefnastjóra umhverfismála að leggja fyrir útfærslu á grenndarstöðvum og halda áfram vinnu við hagræðingu í rekstri á móttökustöðvum.

Fulltrúar Sjálfstæðisflokksins, Kristinn Þór Jónasson og Benedikt Jónsson sitja hjá.

Ný staðsetning gámasvæða. Umhverfis- og skipulagsnefnd leggur til að ný staðsetning gámasvæðis á Reyðarfirði á Hjallaleiru og vísar erindinu í bæjarráð.

Samningur við Skógræktarfélag Reyðarfjarðar, tillögur að samningsvæðum. Umhverfis- og skipulagsnefnd felur verkefnastjóra umhverfismála að yfirfara samning í samræmi við umræður á fundinum og leggja fyrir nefnd að nýju. Nefndin samþykkir tillögur að samningssvæðum og nýja aðkomu að skógræktarsvæðinu.

Járn- og bílhræ. Umhverfis- og skipulagsnefnd felur verkefnisstjóra umhverfismála að skoða málið nánar í samráði við Heilbrigðiseftirlitið.

Umsókn um lóð fyrir íbúðarhús að Stekkholti 19, Fáskrúðsfirði. Umhverfis- og skipulagsnefnd samþykkir að úthluta lóðinni og vísar til endanlegrar afgreiðslu bæjarráðs.

Umsókn um endurnýjun á lóðaleigusamningi að Miðstræti 10 (Holt), Neskaupstað. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn um endurnýjun á lóðaleigusamningi Hlíðargata 18. Umhverfis- og skipulagsnefnd frestar málinu.

Ystidalur 5, Eskifirði - Umsókn um byggingaráform og byggingarleyfi. Umhverfis- og skipulagsnefnd felur skipulagsfulltrúa að gefa út byggingarleyfi þegar öllum gögnum hefur verið skilað með fyrirvara um grenndarkynningu.

Melbrekka 9, Reyðarfirði - Umsókn um byggingaráform og byggingarleyfi. Umhverfis- og skipulagsnefnd samþykkir umsókn um byggingarleyfi og felur byggingarfulltrúa að gefa út leyfi er öllum tilskyldum gögnum hefur verið skilað.

Ímistaðir Innribær - Umsókn um byggingaráform og byggingarleyfi fyrir bogaskemmu. Umhverfis- og skipulagsnefnd samþykkir umsókn um byggingarleyfi og felur byggingarfulltrúa að gefa út leyfi er öllum tilskyldum gögnum hefur verið skilað.

Umsagnarbeiðni Múlaþings um mál: Snjóflóðavarnarkeilur norðan Öldugarðs, nr. 0031/2023: Kynning tillögu á vinnslustigi (Breyting á aðalskipulagi). Umhverfis- og skipulagsnefnd gerir ekki athugasemd við breytingu á aðalskipulagi.

Bréf Veðurstofunnar vegna íbúðabyggðar við Sæbakka, Neskaupstað til kynningar. Umhverfis- og skipulagsnefnd þakkar kynninguna.

Farið yfir vinnu við hættumat í Stöðvarfirði og næstu skref. Formaður umhverfis- og skipulagsnefndar fór yfir stöðu mála.

Umsókn um stöðuleyfi fyrir 40 feta gám á gámsvæði Eskifirði. Umhverfis- og skipulagsnefnd samþykkir umsókn um stöðuleyfi fyrir 40 feta gám á gámasvæði á Eskifirði.

Fundargerð 173. fundar Heilbrigðisnefndar Austurlands. Umhverfis- og skipulagsnefnd þakkar kynninguna.

Svör Eflu í samræmi við bóknun nefndarinnar þar sem óskað er

"..eftir nánari hönnunargögnum sem snúa að mótvægisaðgerðum er varðar hljóðsvist.."
Umhverfis- og skipulagsnefnd frestar málinu til næsta fundar.

Strandgata 2, Eskifirði - Umsókn um byggingaráform og byggingarleyfi. Umhverfis- og skipulagsnefnd samþykkir umsókn um byggingarleyfi og felur byggingarfulltrúa að gefa út leyfi er öllum tilskyldum gögnum hefur verið skilað.

Umsókn um endurnýjun á lóðaleigusamningi að Miðstræti 23, Neskaupstað. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn um endurnýjun á lóðaleigusamningi að Strandgötu 34, Neskaupstað. Umhverfis- og skipulagsnefnd samþykkir að endurnýja lóðarleigusamninginn og felur skipulags- og umhverfisfulltrúa að gera nýjan lóðarleigusamning.

Umsókn um lóð við Strandgötu 100 Eskifirði. Umhverfis- og skipulagsnefnd felur skipulagsfulltrúa að úthluta lóðinni þegar búið er að ganga frá samkomulagi og lóðarmörkum við lóðarhafa á Strandgötu 98b. Erindinu er vísað í bæjarráð.