Umhverfis- og skipulagsnefnd

Kynnt hugmynd að útfærslu á úrgangsmálum. Umhverfis- og skipulagsnefnd felur verkefnastjóra umhverfismála að vinna endanlega tillögu til samþykktar út frá umræðum á fundinum.

Umsögnum á kynningartíma svarað vegna Deiliskipulags Dals athafnasvæðis á Eskifirði og skipulagið lagt fram til endanlegrar samþykktar. Umhverfis- og skipulagsnefnd samþykkir skipulagið og vísa því til endanlegrar afgreiðslu í bæjarstjórn.

Umsögnum á kynningartíma svarað vegna Deiliskipulags Norðfjarðarvegar og nágrennis að gangamunna á Eskifirði - breyting, minnkun skipulagssvæðis og skipulagið lagt fram til endanlegrar samþykktar. Umhverfis- og skipulagsnefnd samþykkir skipulagið og vísa því til endanlegrar afgreiðslu í bæjarstjórn.

Erindi til umhverfis og skipulagsnefndar. Uppsetning á sólarsellum, vindmyllu og rafhlöðupakka. Umhverfis- og skipulagsnefnd líst vel á verkefnið og samþykkir uppsetningu á sólarsellum, vindmyllu og rafhlöðupakka.

Hafnargata 36 - Umsókn um byggingaráform og byggingarleyfi. Umsögn byggingarfulltrúa lögð fram. Umhverfis- og skipulagsnefnd felur byggingarfulltrúa að gefa út byggingarleyfi þegar öllum tilskyldum gögnum hefur verið skilað.

Umsókn um stöðuleyfi fyrir 20 feta gám á gámsvæði Reyðarfirði. Umhverfis- og skipulagsnefnd samþykkir umsókn um stöðuleyfi fyrir 20 feta gám á nýtt sameiginlegt gámasvæði á Símonartúni, Eskifirði.

Umsókn um stöðuleyfi fyrir 20 feta gám á gámsvæði Fáskrúðsfirði. Umhverfis- og skipulagsnefnd samþykkir umsókn um stöðuleyfi fyrir 20 feta gám á gámasvæði á Fáskrúðsfirði.

Umsókn Fjarðabyggðar um endurnýjun á lóðaleigusamningi að Búðareyri 4, Reyðarfirði. Umhverfis- og skipulagsnefnd felur skipulags- og umhverfisfulltrúa að afla frekari gagna.

Sótt er um framkvæmdaleyfi til þess að bæta smalaslóða sem liggur frá Reykjum í Mjóafirði út að Krossi. Umhverfis- og skipulagsnefnd samþykkir fyrirhugaðar framkvæmdir. Skipulags- og umhverfisfulltrúa er falið að gefa út framkvæmdaleyfi þegar öllum tilskyldum gögnum hefur verið skilað.

Umsókn um lóð fyrir iðnaðarhús að Hjallaleiru 8, Reyðarfirði. Umhverfis- og skipulagsnefnd samþykkir að úthluta lóðinni og vísar til endanlegrar afgreiðslu bæjarráðs.

Flutningur gámasvæðis Reyðarfirði. Umhverfis- og skipulagsnefnd samþykkir sameiginlegt gámasvæði fyrir Reyðarfjörð og Eskifjörð á Símonartúni, Eskifirði.

Lagt fram frá fjármálastjóra yfirlit yfir rekstur málaflokka fyrstu 6 mánuði ársins 2023. Umhverfis- og skipulagsnefnd samþykkir að fresta áframhaldandi deiliskipulagsvinnu við íbúabyggð, Dalur 3, Eskifirði og Balinn, Stöðvarfirði. Vinna við deiliskipulag verður sett á fjárhagsáætlun næsta árs.