Umhverfis- og skipulagsnefnd

Lagt fram bréf fjármálastjóra um úthlutun bæjarráðs á fjárhagsramma nefndarinnar fyrir árið 2024 í A hluta. Umhverfis- og skipulagsnefnd mun gæta aðhalds í rekstri á komandi ári og gæta þess að vera innan þess útgefins ramma.

Umsókn um lóð Stekkjargata 5 Neskaupstað. Umhverfis- og skipulagsnefnd hafnar umsókninni í ljósi þess að lóðin er ekki til úthlutunar að svo stöddu.

Uppdráttur með deiliskipulagsbreytingunni fyrir miðbæ Neskaupsstaðar. Samþykkt til grenndarkynningar. Umhverfis- og skipulagsnefnd samþykkir breytingu á deiliskipulagi miðbæ Neskaupsstaðar og felur skipulags- og umhverfisfulltrúa að senda hana í grenndarkynningu.

Umsögnum á kynningartíma svarað vegna breytingu á deiliskipulagi Fólkvangur Neskaupstaðar og skipulagið lagt fram til endanlegrar samþykktar. Umhverfis- og skipulagsnefnd samþykkir skipulagið og vísa því til endanlegrar afgreiðslu í bæjarstjórn.

Umsögnum á kynningartíma svarað vegna Deiliskipulags austurhluta Breiðdalsvíkur og skipulagið lagt fram til endanlegrar samþykktar. Umhverfis- og skipulagsnefnd samþykkir skipulagið og vísa því til endanlegrar afgreiðslu í bæjarstjórn.

Framlögð drög að lóðarleigusamningi um Búðareyri 4. Vísað til umhverfis- og skipulagsnefndar frá bæjarráði. Umhverfis- og skipulagsnefnd frestar málinu til næsta fundar.

Umsókn um endurnýjun á lóðaleigusamningi Gauksmýri 1. Umhverfis- og skipulagsnefnd felur skipulags- og umhverfisfulltrúa að gefa út nýjan lóðarleigusamning í samræmi við nýtt lóðarblað í viðhengi.

Sólbakki 2 - Umsókn um byggingaráform og byggingarleyfi. Niðurstaða grenndarkynningar kynnt og byggingarleyfið lagt fram til endanlegrar afgreiðslu. Umhverfis- og skipulagsnefnd felur byggingarfulltrúa að gefa út byggingarleyfi er öllum tilskyldum gögnum hefur verið skilað.

Framkvæmdaleyfi - Stöðfirskir báta og skip. Umverfis- og skipulagsnefnd felur skipulags- og umhverfisfulltrúa að gefa út framkvæmdaleyfi þegar öllum tilskyldum gögnum hefur verið skilað.

Erindi vegna gámasvæðis á Reyðarfirði. Umhverfis- og skipulagsnefnd þykir mjög miður að ekki hafi tekist að finna framtíðar gámasvæði í Reyðarfirði. Nefndin fékk skipulagsfulltrúa til að kanna þær lóðir sem eru lausar en vegna fyrirhugaðrar atvinnuuppbyggingar á svæðinu var ekki hægt að finna lóð þar sem gámar gætu verið til frambúðar. Iðnaðarlóðir sveitarfélagsins eru mjög verðmætar hvort sem er á Hjallaleiru eða við Mjóeyrarhöfn og er því ekki hægt að taka þær til framtíðar. Með því að færa svæðið á Símonartún er verið að nota lóð í eigu sveitarfélagsins sem ekki verður notuð undir aðra starfsemi en skilgreind er sem iðnaðar- og geymslusvæði. Á svæðinu er gott aðgengi, rafmagn og lítil umferð stórra tækja eins og oft er á iðnaðarsvæðum. Einnig vill nefndin árétta að ekki er um lögbundna þjónustu og áður hafði gámasvæði fyrir Eskifjörð og Reyðarfjörð verið staðsett á Reyðarfirði en hefur því verið fundin betri staðsetning á Eskifirði.

Nestak óskar eftir því að fá leyfi að losa moldarefni sem fellur til við lóðargerð við Sólbakka 2-6 í land sem er neðan við Sæbakka. Umhverfis- og skipulagsnefnd felur skipulags- og umhverfisfulltrúa að gefa út framkvæmdaleyfi er öllum tilskyldum gögnum hefur verið skilað. Sveitarfélagið kemur ekki til með að taka þátt í kostnaði við frágang á svæðinu en áréttar bindingu rokgjarna efna.

Minnisblað vegna málun á ruslatunnum í almenningsrýmum á Eskifirði. Framlagt að beiðni Elínar Rúnar Sizemore. Umhverfis- og skipulagsnefnd samþykkir að Elín Rún fái leyfi til að mála og viðhalda með snyrtilegum hætti, fimm ruslatunnum á Eskifirði. Verkefnið er tilraunarverkefni og verður endurskoðað að ári.

Tillaga bæjarfulltrúa Framsóknarflokksins um undirgöng undir fagradalsbraut til að auka öryggi hestamanna- og kvenna við hesthúsahverfi í Reyðarfirði. Umhverfis- og skipulagsnefnd tekur vel í erindið og felur skipulags- og umhverfisfulltrúa og formanni nefndarinnar að koma á samtali við Vegagerðina.

Minnisblað um fjölda tunna. Umhverfis- og skipulagsnefnd þakkar kynninguna.