Umhverfis- og skipulagsnefnd

Tillögur að nýjum opnunartíma mótökustöðva. Umhverfis- og skipulagsnefnd samþykkir tillögu 2 með þeim breytingum sem gerðar voru á fundinum.

Umræða um útfærslu á flokkunarílátum við heimili, t.d. 4 tunnu eða körfu. Umhverfis- og skipulagsnefnd stendur við ákvörðun sína um að leita allra leiða til að bæta ekki við fjórðu tunnunni. Nefndin felur verkefnastjóra umhverfismála að leggja fyrir minnisblað um útfærslu á fjórða flokkunaríláti við heimili í Fjarðabyggð.

Umsókn um lóð Blómsturvellir 31. Umhverfis- og skipulagsnefnd frestar úthlutun á lóð við Blómsturvelli 31.

Umsókn um lóð Vallargerði 11-13. Umhverfis- og skipulagsnefnd samþykkir lóðarúthlutunina og vísar erindinu í bæjarráð.

Umsókn um lóð Nesgata 34. Umhverfis- og skipulagsnefnd samþykkir lóðarúthlutunina og vísar erindinu í bæjarráð.

Ungmennaráð vísar til umhverfis- og skipulagsnefndar tillögu að nýrri staðsetningu gangbrautar við Nesgötu 38, Neskaupstað / Heimavist VA. Umhverfis- og skipulagsnefnd tekur vel í að færa gangbraut á öruggari stað. Nefnin leggur til að gangbrautin verði færð ofar, með því er hægt að nýta núverandi göngustíg. Umhverfis- og skipulagsnefnd felur skipulags- og umhverfisfulltrúa að útfæra gangbraut og leggja nýja tillögu fyrir ungmennaráð.

Ósk um kaup á hundahóteli Kollaleiru. Umhverfis- og skipulagsnefnd vísar erindinu í bæjarráð.

Framlagt bréf íbúa við Búðagötu 24 sem varðar byggingu hljóðmannar Loðnuvinnslunnar að Hafnargötu 36. Umhverfis- og skipulagsnefnd hafði til hliðsjónar aðaluppdrætti þegar hún afgreiddi byggingarleyfi. Nefndin var meðvituð um raunverulega hæð á hljóðmöninni í samræmi við aðaluppdrátt.
Fyrir liggja mælingar frá Eflu dagsett 30.10.2023 og Mannvit 10.11.2023 sem staðfesta rétta hæð í samræmi við aðaluppdrátt.

Framkvæmdaleyfi fyrir lagningu rafstrengs í jörð. Umhverfis- og skipulagsnefnd felur skipulags- og umhverfisfulltrúa að gefa út framkvæmdaleyfi að þeim forsemdum gefnum að helgunarsvæði sem nú þegar er til staðar við Stuðlalínu 2 stækki ekki og þegar öllum tilskyldum gögnum hefur verið skilað. Umhverfis- og skipulagsnefnd hvetur Rarik til að gera göngustíg samhliða framkvæmdinni í samráði við skipulagsfulltrúa.