Umhverfis- og skipulagsnefnd

Fram lögð drög að grenndarkynningu fyrir lóðirnar Hrauntún 3 til 5 og 7 til 13 á Breiðdalsvík vegna umsóknar um parhúss og fjórbýli á lóðunum. Umhverfis- og skipulagsnefnd samþykkir grenndarkynningu og fagnar uppbyggingu á Breiðdalsvík.

Framlögð lóðarumsókn Malbikunarstöðvar Austurlands þar sem sótt er um iðnaðarlóðina Hjallaleiru 21. Nefndin felur skipulags- og umhverfisfulltrúa að vinna málið áfram og ræða við umsækjanda. Málið verður tekið upp að nýju á næsta fundi.

Lögð fram umsókn um byggingarleyfi frá Heimi Snæ Gylfasyni þar sem sótt er um leyfi til að byggja stálgrindarhús á lóð nr. 54 við Naustahvamm, Norðfirði. Umhverfis- og skipulagsnefnd samþykkir umsóknina og felur byggingarfulltrúa að gefa út byggingarleyfi er tilskildum gögnum hefur verið skilað.

Lögð fram umsókn um byggingaráform og byggingarleyfi fyrir hönd Búðinga ehf. þar sem sótt er um leyfi til að byggja fjölbýlishús að Sæbakka 19 á Norðfirði.
Umhverfis- og skipulagsnefnd samþykkir umsóknina og felur byggingarfulltrúa að gefa út byggingarleyfi er tilskildum gögnum hefur verið skilað og að uppfylltum byggingarskilmálum lóðarinnar.

Fram lagður tölvupóstur frá Ívari Ingimarssyni vegna framkvæmdaleyfis fyrir malarnám á efni í landi Óseyrar á Stöðvarfirði. Námu hefur verið lokað og ekki gert ráð fyrir efnistöku í aðalskipulagi úr námunni.
Umhverfis- og skipulagsnefnd afturkallar framkvæmdaleyfi fyrir efnistöku úr malarnámu í landi Óseyrar.

Lögð fram fyrirspurn varðandi lóð fyrir spennustöð upp við Heiðarveg og Hæðargerði, við stríðsárasafn. Umhverfis og skipulagsnefnd hafnar umsókninni og felur skipulags- og umhverfisfulltrúa að finna heppilegri staðsetningu fyrir nýja spennistöð í samráði við umsækjanda.

Lögð fram fyrirspurn varðandi lóð fyrir spennustöð upp við Öldugötu, neðan við Austurveg. Umhverfis og skipulagsnefnd hafnar umsókninni og felur skipulags- og umhverfisfulltrúa að finna heppilegri staðsetningu fyrir nýja spennistöð í samráði við umsækjanda.

Framlögð beiðni um breytingu á nafni jarðarinnar Neðri Vík verði Blávík. Jörðin er á suðurströnd Fáskrúðsfjarðar. Umhverfis- og skipulagsnefnd samþykkir nafnabreytingu á jörðinni Neðri-Vík

Framlagt erindi Landsamtaka landeigenda á Íslandi til kynningar um fyrirhugaðan aðalfund og starfsemi samtakanna.

fundagerð fjallskilanefndar 10.8.2022 lögð fram til afgreiðslu