Ungmennaráð

Föstudaginn 10. janúar verður námskeið fyrir Ungmennaráð Fjarðabyggðar og Ungmennaráð Fljótsdalshéraðs í Þingmúla, Egilsstöðum, frá kl. 10:00 til 15:00. Námskeiðið snýr að fundarsköpum, ábyrgð, þjónandi forystu, framkomu og fleiru tengt því að sitja í nefnd á vegum sveitarfélaga. Leiðbeinandi verður Stefán Bogi Sveinsson lögfræðingur og forseti bæjarstjórnar Fljótsdalshéraðs. Ungmennaráð Fjarðabyggðar þakkar ungmennaráði Fljótsdalshéraðs fyrir boðið.

Aðgerðaráætlun forvarnarstefnu Fjarðabyggðar er unnin í janúar á hverju ári og uppfærð jafnt og þétt yfir árið. Þar eru lögð drög að fjórum til fimm stærri verkefnum sem snúa að forvörnum og fræðslu til ungmenna, foreldra, starfsmanna og íbúa Fjarðabyggðar. Drög að aðgerðaráætlun unnin áfram í samráði við ungmennaráð.

Skýrsla Rannsóknar og Greiningar um ungt fólk, nemendur í 5. - 7. bekk, í Fjarðabyggð lögð fram til kynningar. Skýrslan byggir á niðurstöðu könnunar sem lögð var fyrir alla nemendur á Íslandi í febrúar 2019. Nemendur voru spurðir um samband við foreldra, fjölskyldu og vini, líðan og stríðni, nám og skóla, íþrótta- og tómstundastarf, frítímann og barnasáttmálann.

Unnið í starfsáætlun ungmennaráðs fyrir árið 2020.