Eigna- skipulags- og umhverfisnefnd

Lagður fram póstur framkvæmdastóra Íslenska sjávarklasans, Bláa hersins og Plokk á Íslandi, dagsett 30. september 2019, varðandi áskorun til sveitarfélaga og landsmanna allra, um að loka betur ruslatunnum svo koma megi í veg fyrir frekari ruslvæðingu. Lagt fram minnisblað Írisar Daggar Aradóttur verkefnisstjóra úrgangsmála, dagsett 3. október 2019.
Eigna-, skipulags- og umhverfisnefnd tekur vel í erindið og felur verkefnisstjóra úrgangsmála að vinna það áfram og leggja fyrir nefndina að nýju.

Eigna- skipulags- og umhverfisnefnd samþykkir, fyrir sitt leyti, að gjaldskrá fyrir meðhöndlun úrgangs 2020, hækki um 2.5% 1.janúar 2020. Endanlegri afgreiðslu er vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að gjaldskrá fyrir fjarvarmaveitu vegna 2020, hækki um 2,5% 1.janúar 2020. Endanlegri afgreiðslu er vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að gjaldskrá fyrir Hitaveitu Fjarðabyggðar vegna 2020, hækki um 2,5% 1.janúar 2020. Endanlegri afgreiðslu er vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að sölugjaldskrá fyrir Rafveitu Reyðarfjarðar vegna 2020, hækki um 2,5% 1.janúar 2020. Endanlegri afgreiðslu er vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að dreifigjaldskrá fyrir Rafveitu Reyðarfjarðar vegna 2020, hækki um 2,5% 1.janúar 2020. Endanlegri afgreiðslu er vísað til bæjarráðs.

Eigna- skipulags- og umhverfisnefnd frestar afgreiðslu meðan unnið er að endurskoðun á gjaldskrá fyrir félagsheimili.

Eigna- skipulags- og umhverfisnefnd samþykkir, fyrir sitt leyti, að gjaldskrá fyrir hunda- og kattahald vegna 2020, hækki um 2,5% 1.janúar 2020. Endanlegri afgreiðslu er vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að gjaldskrá fyrir vatnsveitu vegna 2020, hækki um 2,5% 1.janúar 2020 frá gjaldskrá 2019. Endanlegri afgreiðslu er vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að gjaldskrá fyrir fráveitu vegna 2020, hækki um 2,5%, 1.janúar 2020 frá gjaldskrá 2019. Endanlegri afgreiðslu er vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að gjaldskrá skipulags- og byggingarmála vegna 2020, hækki um 2,5% 1.janúar 2020 nema stöðuleyfisgjöld sem lækka á milli ára. Endanlegri afgreiðslu vísað til bæjarráðs.

Eigna- skipulags- og umhverfisnefnd samþykkir, fyrir sitt leyti, að gjaldskrá fyrir gatnagerðargjöld vegna 2020, hækki um 2,5% 1.janúar 2020. Endanlegri afgreiðslu er vísað til bæjarráðs.

Eigna-, skipulags- og umhverfisnefnd og sviðsstjórar framkvæmdasviðs og umhverfis- og skipulagssviðs fara yfir fjárhagsáætlanirnar í A hluta fyrir árið 2020. Lagt fram minnisblað sviðsstjóra umhverfis- og skipulagssviðs vegna fjárhagsáætlunar og framkvæmdaáætlanir sviðsstjóra framkvæmdasviðs.
Eigna-, skipulags- og umhverfisnefnd samþykkir áætlanir fyrir sitt leyti og vísar þeim til umfjöllunar í bæjarráði.

Eigna-, skipulags- og umhverfisnefnd og sviðsstjóri framkvæmdasviðs fara yfir fjárhagsáætlanirnar í B hluta stofnunum fyrir árið 2020. Lögð fram framkvæmdaáætlun framkvæmdasviðs.
Eigna-, skipulags- og umhverfisnefnd samþykkir áætlun fyrir sitt leyti og vísar henni til umfjöllunar í bæjarráði.

Lagt fram bréf Íbúasamtaka Eskifjarðar varðandi göngubrú yfir Eskifjarðará, stígagerð og annan umhverfisfrágang tengdum framkvæmdum við Norðfjarðargöng, dagsett 4. október 2019.
Eigna-, skipulags- og umhverfisnefnd þakkar bréfið og vísar gerð stíga á svæðinu í gerð framkvæmdaáætlunar vegna stígagerðar. Sviðsstjóra umhverfis- og skipulagssviðs falið að svara bréfritara í samræmi við umræður á fundinum

Lagt fram Sigríðar Bylgju Sigurjónsdóttur stofnanda Trés lífsins, dagsett 20. september 2019, varðandi kynningu á minningagörðum og frumkvöðlaverkefninu Tré lífsins og hvort áhugi sé fyrir að slíkur minningagarður verði opnaður í Fjarðabyggð.
Eigna-, skipulags- og umhverfisnefnd tekur vel í erindið og vísar því til endurgerðar aðalskipulags.

Vísað til kynningar frá íþrótta- og tómstundanefnd bréf frá aðalstjórn Austra þar sem bent er á aðstöðuleysi til íþróttaiðkunnar á Eskifirði, dagsett 19. september 2019. Aðalstjórn Austra telur að aðstaða til iðkunar hinna ýmsu íþróttagreina sé óviðunandi. Tímabært sé að fara í vinnu við að skipuleggja framtíðarsýn íþróttasvæðisins. Íþrótta- og tómstundanefnd tekur undir að fara þurfi í framtíðarskipulag íþróttasvæðisins á Eskifirði á næstu misserum.

Lögð fram umsókn Sigurðar Arnar Ísleifssonar, dagsett 20. ágúst 2019, þar sem óskað er eftir endurnýjun lóðarleigusamnings lóðar hans að Skólavegi 51 á Fáskrúðsfirði.
Eigna-, skipulags- og umhverfisnefnd samþykkir að lóðarleigusamningur verði endurnýjaður.

Lagt fram að nýju bréf Guðröðar Hákonarsonar eiganda jarðarinnar Efri-Miðbæjar, dagsett 23. maí 2018, þar sem óskað er eftir leyfi til 3000 rm efnistöku úr eyri í Norðfjarðará sem myndast hefur vestan við golfvöll og veldur þar landbroti.
Leyfi Fiskistofu og umsögn Veiðifélags Norðfjarðarár liggur nú fyrir. Í umsögn Veiðifélagsins kemur m.a. fram að félagið telji sig ekki hafa þekkingu til að leggja mat á hvort umbeðið efnisnám sé nauðsynlegt eða vel til þess fallið að koma í veg fyrir landbrot. Þá telur Veiðifélagið æskilegt að fyrir liggi mat sérfróðra manna um áhrif efnistökunnar áður en hún verður samþykkt.
Eigna-, skipulags- og umhverfisnefnd samþykkir efnistökuna enda liggur fyrir leyfi Fiskistofu, byggt á umsögn Hafrannsóknarstofnunar sem telur að áhrif efnistökunnar valdi ekki teljandi skerðingu eða áhrifum á lífríki árinnar og veiðihagsmuna.

Lögð fram framkvæmdaleyfisumsókn Dal-Bjargar ehf, dagsett 11. október 2019, þar sem óskað er eftir leyfi til að taka allt að 37.000 rm af efni úr Dalsá í Fáskrúðsfirði á um 24.500 fm svæði á þremur stöðum. Sótt er um leyfi til efnistökunnar til fimm ára. Samþykki landeiganda, Veiðifélags Dalsár og Fiskistofu liggur fyrir.
Eigna-, skipulags- og umhverfisnefnd samþykkir efnistökuna.