Helgina 7.-9. nóvember heimsótti Rithöfundalestin staði víða um Fjarðabyggð. Upplestrar voru haldnir í Safnahúsinu í Neskaupstað og í Gamla Kaupfélaginu á Breiðdalsvík í samstarfi við Breiðdalssetur. Einnig heimsóttu rithöfundar skóla og dvalarheimili.
Höfundarnir í ár voru:
Ásgeir Hvítaskáld, Saklaust blóð í snjó
Nína Ólafsdóttir, Þú sem ert á jörðu
Óskar Þór Halldórsson, Akureyrarveikina
Gunnar Helgason, Birtingur og símabannið mikla
Í Safnahúsinu var einnig séstakur barna- og ungmennaupplestur þar sem Reyðfirðingurinn Særún Hlín Laufeyjardóttir las upp úr bók sinni 24 dagar til jóla, ásamt Gunnari Helgasyni og Ásu Hlín Benediktsdóttur.
Á föstudeginum skiptu höfundarnir sér í tvo hópa. Annar hópurinn heimsótti Breiðablik, Hulduhlíð og Uppsali, en Gunnar Helgason heimsótti grunnskólana á Stöðvarfirði, Fáskrúðsfirði og Reyðarfirði.
Rithöfundalestin í ár heppnaðist gríðarlega vel og Menningarstofa færir höfundunum og öðrum samstarfsaðilum kærar þakkir fyrir vel heppnað verkefni.
Rithöfundalestin er samstarfsverkefni Skriðuklaustur, Skaftfell Art Center, Menningarstofu Fjarðabyggðar, menningarsviðs Sveitarfélagið Múlaþing og menningar- og atvinnumálanefndar Vopnafjarðarhrepps.
Verkefnið nýtur stuðnings Uppbyggingarsjóðs Austurlands, Síldarvinnslunnar, Alcoa, Atlantsolíu, Samvinnufélags útgerðarmanna Neskaupstað, Bílaleigu Akureyrar, Gistihússins á Egilsstöðum sem og bókaforlaganna Forlagsins, Svarfdælasýsls og Frjáls orðs.
