Fréttir | Fjarðabyggð

08.01.2021

Vonsku veður í nótt og á morgun

Veðurstofa Íslands hefur gefið út appelsínugula viðvörun á Norðausturlandi, Austurlandi, Austfjörðum, Suðausturlandi og á miðhálendinu sem tekur gildi klukkan tvö í nótt (9. janúar) og gildir til klukkan 18:00 þann 9. janúar.

07.01.2021

Lokað í Stefánslaug frá kl. 10

Vegna vinnu við fjarvarmaveitu í Neskaupstað þarf að loka Stefánslaug frá kl. 10:00 í dag og fram eftir degi. Ekki liggur ljóst fyrir hvort hægt verði að opna aftur í dag, en það verður tilkynnt þegar það liggur fyrir.

05.01.2021

Tilkynning frá aðgerðastjórn á Austurlandi 5. janúar

Enginn er með virkt COVID-19 smit á Austurlandi.Bólusetning hófst sem kunnugt er í fjórðungnum skömmu fyrir áramót þegar okkar viðkvæmustu íbúar og framlínustarfsfólk var bólusett. Þar er þó um hænuskref að ræða enn sem komið er fyrir heildina og langt í að hjarðónæmi náist. Við erum því sem samfélag jafn berskjölduð fyrir veirunni og áður. Mikilvægt er því sem fyrr að fara varlega.

03.01.2021

Vinningssögur í jólasmásagnakeppni Menningarstofu Fjarðabyggðar og grunnskólanna í Fjarðabyggð

Úrslit liggja fyrir í jólasmásagnakeppni Menningarstofu. Dómnefndin var samstíga í mati sínu og sammála um að sögurnar sem skilað var inn væru gríðarlega skemmtilegar og vel skrifaðar.

29.12.2020

Tinna Rut Þórarinsdóttir er Íþróttamaður Fjarðabyggðar 2020

Tinna Rut Þórarinsdóttir er tvítug blakkona sem er uppalin hjá Þrótti Neskaupstað en hún hefur æft blak frá sex ára aldri og hefur spilað sérstaklega vel með meistaraflokki Þróttar síðustu keppnistímabil.

29.12.2020

Tilkynning frá aðgerðastjórn á Austurlandi - 29. desember

Engin greind COVID-19 smit eru á Austurlandi. Aðgerðastjórn hvetur til þess að ýtrustu aðgæslu sé gætt í aðdraganda áramóta, við meðferð flugelda en ekki síður í samskiptum okkar íbúa á milli vegna sóttvarna.

28.12.2020

Upptaka af íbúafundi fyrir Eskfirðinga

Þann 22.desember fór fram í beinu streymi á vefsíðu Fjarðabyggðar íbúafundur með Eskfirðingum þar sem farið var yfir þá rýmingu sem átti sér stað á svæðinu um helgina. Hægt er að nálgast upptöku af íbúafundinum á Youtube rás Fjarðabyggðar með því að smella hér. Fundargerð fundarins má nálgast hér að neðan á ensku og pólsku. Kynnningarefni Veðurstofunnar sem farið var yfir á fundinum verður sett á vefinn strax eftir helgi.

27.12.2020

Íþróttamaður Fjarðabyggðar 2020

Frá árinu 2000 hefur íþrótta- og tómstundanefnd valið íþróttamann Fjarðabyggðar. Þrátt fyrir um margt sérstakt íþróttaár vegna Covid19 faraldursins verður engin breyting þar á í ár.

26.12.2020

Gul veðurviðvörun - Vel er fylgst með aðstæðum ofan Eskifjarðar

Veðurstofa Íslands hefur sent frá sér gula viðvörun vegna veðurs sem gengur yfir Austurland í nótt og á morgun. Gert er ráð fyrir talsverðum vindi og ofankomu, sem til að byrja með verður snjókoma, en breytist svo í rigningu þegar líður á morgundaginn. Íbúum er bent á að huga vel að lausamunum og niðurföllum áður en veðrið gengur yfir. Vegna þessarar viðvörunar vill Fjarðabyggð árétta að vel er fylgst með aðstæðum ofan Eskifjarðar, og verður það eftirlit aukið vegna þessa veðurs. Mælingar síðustu daga benda þó til þess að á svæðinu sé allt með kyrrum kjörum.

23.12.2020

Í kjölfar rýmingar á Eskifirði um liðna helgi

Föstudaginn 18. desember sl. þurfti að rýma hús á Eskifirði vegna hugsanlegrar hættu á skriðuföllum. Mikið hafði rignt dagana á undan og voru eftirlitsmenn Veðurstofunnar með virkt eftirlit þessa daga vegna hættu á skriðuföllum og vatnavaxta. Á föstudeginum verða þeir varir við sprungumyndun á gamla Oddsskarðsveginum og sjá er líður á daginn að sprungurnar fara stækkandi.

22.12.2020

Kveðjur til íbúa Seyðisfjarðar

Bæjarráð Fjarðabyggðar sendir Seyðfirðingum og sveitarfélaginu Múlaþingi, hlýjar kveðjur í kjölfar þeirra hörmulegu atburða sem átt hafa sér stað undanfarna daga á Seyðisfirði.

22.12.2020

Íbúafundur fyrir Eskfirðinga

Boðað er til íbúafundar vegna rýmingar á Eskifirði vegna skriðuhættu. Fundurinn verður í beinu streymi á heimasíðu Fjarðabyggðar þriðjudaginn 22. desember og hefst hann kl. 18:00. Hægt er að nálgast streymið með því að smella hér.

20.12.2020

Rýmingu á Eskifirði aflétt/Evacuation in Eskifjordur lifted/Zakończenie ewakuacji w Eskifjörður.

Að höfðu samráði við ofanflóðavakt Veðurstofu Íslands hefur rýmingu á Eskifirði nú verið aflétt. Fjöldahjálparstöðinni í Eskifjarðarkirkju verður í framhaldinu lokað kl. 15:30. Mikil hreyfing var á tveimur stöðum í Oddsskarðsveginum á fimmtudag og sprungur opnuðust. Lítil hreyfing hefur verið frá því í gær og ekki eru vísbendingar um að stórt svæði hafi verið á hreyfingu. Oddskarðsvegur verður þó lokaður eitthvað áfram. Þá falla úr gildi fyrri tilmæli um að fólk gæti varúðar við Grjótá og Lambeyrará. Opinn rafrænn íbúafundur er fyrirhugaður á þriðjudag með lögreglustjóra, bæjarstjóra Fjarðabyggðar og fulltrúa Veðurstofu. Upplýsingar um tímasetningu verður send síðar.

20.12.2020

Tilkynning varðandi rýmingu á Eskifirði

Enn er unnið að mælingum á Oddsskarðsvegi og staðan endurmetin síðar í dag. Rýming stendur því enn. Gera má ráð fyrir að niðurstöður mælinga liggi fyrir um klukkan fimm í dag og standa þá vonir til að rýmingu megi aflétta að hluta eða öllu leyti. Næsta tilkynning verður send um klukkan 15. Fjöldahjálparstöð í Kirkju- og menningarmiðstöðinni að Dalbraut 2 er opin í dag. Inspections at Oddskarðsvegur are still ongoing and the situation will be evaluated later today. Therefore the partial evacuation in Eskifjörður is still in force. It can be expected that results from the inspections will arrive around 17:00 today and hopes are that the evacuation order will be lifted, partly or completely. The next announcement will be published around 15:00 today. The Red Cross emergency shelter in the church in Eskifjörður at Dalbraut 2 will be open today.

20.12.2020

Fjöldahjálparstöð RKÍ á Eskfirði er opinn í dag

Fjöldahjálparstöð Rauða krossins í í Kirkju- og menningarmiðstöð á Eskifirði er opin frá kl. 9:00 í dag. Aðilar úr viðbragðsteymi Rauða krossins verða á staðnum og boðið er uppá kaffi og með því. Þá má einni nálgast á svæðinu fræðsluefni um sálrænan stuðning liggur og spjalla um daginn og veginn.

19.12.2020

Áframhald á rýmingu á Eskifirði

Veðurstofa, Vegagerð og Fjarðabyggð hafa verið við mælingar og athuganir í dag við Oddsskarðsveg. Vinna þarf úr gögnum og gera frekari mælingar og athuganir til þess að meta stöðuna og því þykir ekki óhætt að aflétta rýmingu að sinni. Staðan verður endurmetin eftir hádegið á morgun. Rýming mun því í gildi til hádegis á morgun að minnsta kosti. Ef íbúar á rýmdum svæðum þurfa að ná í nauðsynjar á heimili sín eru þeir vinsamlegast beðnir um að gefa sig fram áður í fjöldahjálparstöð Rauða krossins í Eskifjarðarkirkju áður og fá þá fylgd inn á svæðið. Fjöldahjálparstöðin verður opin í Eskifjarðarkirkju frá kl. 16 í dag til klukkan 21. Hún opnar svo að nýju í fyrramálið kl. 9 og verður opin til hádegis þegar staðan verður metin að nýju.

19.12.2020

Tilkynning frá aðgerðastjórn á Austurlandi 19. desember - Rýming á Eskifirði

Fundur var með almannavarnanefnd Ríkislögreglustjóra og aðgerðastjórn á Austurlandi vegna rýminga á Eskifirði í gær. Veðurstofa, Vegagerð og Fjarðabyggð skoða nú og meta aðstæður. Vonast er til að niðurstaða liggi fyrir fljótlega eftir hádegi. Næsta tilkynning verður send út milli klukkan 13 og 14 í dag. Rýming verður í gildi a.m.k þangað til. A partial evacuation of Eskifjörður remains in force today. Houses in several streets were evacuated yesterday afternoon when it was discovered that fissures in the mountains above the town in the area of Oddskarðsvegur, had expanded. Specialists from the Icelandic Meteorological Office, Vegagerðin and Fjarðabyggð will the assess conditions on the ground today. It is hoped that the results will be available early this afternoon. An information update will be sent out between 1pm and 2pm today.

19.12.2020

Hlýjar kveðjur til Seyðfirðinga

Austfirðingar hafa undanfarna daga verið rækilega minntir á þann ógnarkraft sem býr í náttúrunni og veðurfarinu. Bæjarstjórn Fjarðabyggðar sendir íbúum Seyðisfjarðar hlýjar kveðjur í kjölfar þeirra hörmulegu atburða sem átt hafa sér stað þar undanfarna daga. Hugur allra íbúa Fjarðabyggðar er hjá Seyðfirðingum þessa stundina.

18.12.2020

Rýming húsa á Eskifirði gekk vel

Rýming á Eskifirði gekk vel og þeir íbúar sem yfirgefa þurftu heimili sín hafa nú fundið sér næturstað annarsstaðar á Eskifirði eða í nálægum byggðarlögum. Svæðið verður vaktað í nótt og fylgst vel með aðstæðum.

18.12.2020

Tilkynning frá embætti ríkislögreglustjóra og lögreglustjóranum á Austurlandi

Ríkislögreglustjóri, í samráði við lögreglustjórann á Austurlandi og Veðurstofu Íslands, hefur lýst yfir hættustigi á Eskifirði vegna skriðuhættu. Sprungur í gamla Oddskarðsveginum, ofan Eskifjarðar hafa stækkað í dag. Veðurstofan mælist til þess að Botnabraut, Hátún, Helgafell, Lambeyrarbraut, Hólsvegur og Strandgata verði rýmdar. Íbúar í viðkomandi götum eru beðnir um að skrá sig í fjöldahjálparstöð Rauða kross Íslands í Eskifjarðarkirkju að Dalbraut 2 á Eskifirði eða hringja í síma 1717.

18.12.2020

Helgustaðavegur lokaður vegna aurskriðu

Aurskriða féll á Helgustaðaveg, út með Eskifirði milli Engjabakka og Högnastaða, í nótt og er vegurinn því lokaður. Staða mála verður metin að nýju í birtingu. Nánari upplýsingar verða birtar á heimasíðu Fjarðabyggðar og hjá Vegagerðinni þegar þær liggja fyrir.

17.12.2020

Samvinna eftir skilnað - Nýtt úrræði fyrir foreldra

Nýverið var undirritaður samningur við félagsmálaráðuneytið um þátttöku Fjarðabyggðar í tilraunaverkefninu samvinna eftir skilnað. Í verkefninu felst að Fjarðabyggð mun bjóða foreldrum upp á sérhæfða ráðgjöf og stuðning til að takast á við þær breytingar og áskoranir sem algengar eru í kjölfar skilnaðar. Ráðgjöfin mun standa foreldrum sem eru að slíta sambandi til boða og foreldrum sem áður hafa stigið það skref.

16.12.2020

Áframhaldandi rigning á Austurlandi

Íbúar í Fjarðabyggð hafa ekki farið varhluta af því mikla vatnsveðri sem gengið hefur yfir Austurland síðustu daga. Ekkert lát er hins vegar á ofankomunni og spáð er áframhaldandi rigningu næstu daga. Starfsmenn sveitarfélagsins hafa unnið að því að tryggja sem best að fráveitukerfin hafi undan en þetta mikla vatnsveður hefur áhrif á fráveitukerfið og eru íbúar því beðnir um að huga vel að niðurföllum í nágrenni við heimili og vinnustaði. Að gefnu tilefni er íbúum bent á að hægt er að hafa samband í síma 470 9000 utan opnunartíma bæjarskrifstofu og fá þannig samband við bakvaktasíma þjónustumiðstöðva.

15.12.2020

Tilkynning frá aðgerðastjórn á Austurlandi 15. desember

Enginn er með virkt COVID smit á Austurlandi. Nú líður að jólum og þá viljum við að öllum líði sem best. Að veikjast af Covid nú þýðir fyrir viðkomandi að vera í einangrun um bæði jól og áramót. Mikilvægur liður í aðventuhegðun okkar þarf nú að vera vandaðar persónulegar sóttvarnir með því að virða tvo metrana, handþvott, sprittnotkun og grímuburð. Samhliða eins og alltaf að sýna tillitssemi, virða fjöldatakmarkanir og forðast margmenni. Síðast en ekki síst minnir aðgerðastjórn á að maður er manns gaman og því brýnt að við gætum hvers annars og ekki síst þeirra sem mögulega eru einir og nýtum þar bæði síma og myndsímtöl.

15.12.2020

Bæjarskrifstofa lokuð aðfangadag og gamlársdag

Bæjarskrifstofa og skiptiborð Fjarðabyggðar verða lokuð fimmtudaginn 24. desember - Aðfangadag og fimmtudaginn 31.desember - Gamlársdag. Ef brýn erindi koma upp er hægt að hafa samband í síma 470 9080 og koma skilaboðum til starfsmanna. Einnig má senda skilaboð í gegnum fjardabyggd@fjardabyggd.is

14.12.2020

Listagjöf frá Listahátíð í Reykjavík

Listahátíð í Reykjavík, með stuðningi frá Mennta- og menningarmálaráðuneyti, býður upp landsmönnum upp á svokallaðar listagjöf núna fyrir jólin. Frá og með hádegi næstkomandi mánudag, 14. desember, mun almenningur getað pantað Listagjöf fyrir ástvini á sérhönnuðu vefsvæði listagjof.listahatid.is. Gjöfin er án endurgjalds en takmarkast við eina pöntun á mann

11.12.2020

Tilkynning frá aðgerðastjórn á Austurlandi 11. desember

Enginn er með virkt COVID smit á Austurlandi. Aðgerðastjórn minnir á aðvaranir sóttvarnalæknis um að staða COVID mála sé viðkvæm, sér í lagi nú með þeim ys og þys sem fylgir undirbúningi jóla. Hún hvetur því til að sá þröngi vegur sem framundan er verði fetaður af ýtrustu hægð og varúð. Þannig komumst við í sameiningu ósködduð yfir hátíðarhjallann sem bíður og inn í nýtt ár. Njótum þess að eiga lágstemmdan og notalegan jólaundirbúning með okkar nánustu.

11.12.2020

Tónlistarviðburður í Molanum fellur niður í dag

Vegna tilmæla Aðgerðastjórnar Almannavarna á Austurlandi hefur Fjarðabyggð ákveðið að fella niður Tónlistarviðburðum sem fram áttu að fara í Molanum á Reyðarfirði í dag kl. 16:00 og á morgunn frá kl. 13 - 16 á vegum Menningarstofu Fjarðabyggðar. Beðist er velvirðingar á þeim óþægindum sem þetta kann að valda.

10.12.2020

Úrslit í ljósmyndasamkeppni Fjarðabyggðar 2020

Á vordögum stóð Fjarðabyggð fyrir ljósmyndasamkeppni undir heitinu "Fjarðabyggð með mínum augum". Það er skemmst frá því að segja að mikill áhugi var á keppninni og rúmlega 300 myndir bárust. Úrslit í keppninni liggja nú fyrir.

10.12.2020

Litlu jólin í Fjarðabyggð 11. - 12. desember

Menningarstofa Fjarðabyggðar stendur fyrir "Litlu jólunum" í Fjarðabyggð dagana 11. - 12. desember í samstarfið við fyrirtæki og félagasamtök íFjarðabyggð. Dagskrá helgarinnar er fjölbreytt og nú er svo sannarlega tíminn til að fanga jólastemninguna og létta lund á fordæmalausum tímum.