Fréttir | Fjarðabyggð

09.03.2023

Íbúafundur í Nesskóla vegna fyrirhugaðra framkvæmda á ofanflóðavörnum

Íbúafundurinn var haldinn í Nesskóla í Neskaupstað, mánudaginn 6. mars kl. 20:00. Kynntar voru fyrirhugaðar framkvæmdir vegna ofanflóðavarna undir Nes- og Bakkagiljum. Á fundinn mættu Hafsteinn Pálsson frá Ofanflóðasjóði, Hallvarður Vignisson frá verkfræðistofunni HNIT og Þórhildur Þórhallsdóttir frá Landmótun. Fundarstjóri var Jón Björn Hákonarson bæjarstjóri.

09.03.2023

Kjötbolludagurinn mikli

Kjötbollur eru um það bil besti matur í heimi. Þess vegna var dagurinn í dag afar góður hjá yngsta stiginu í Breiðdals- og Stöðvarfjarðarskóli. Þau nefnilega grilluðu kjötbollur við útikennslustofuna í morgun og fengu svo kjötbollur í matinn í hádeginu hjá henni Ingu sem rekur okkar frábæra mötuneyti. Hvítlauksbrauð er á pari við kjötbollur hvað gæði og bragð varðar og því var það líka grillað í morgun. Heimasíða Breiðdals- og Stöðvarfjarðarskóli

06.03.2023

Bókun bæjarráðs varðandi vegamál

Bæjarráð Fjarðabyggðar lýsir yfir þungum áhyggjum sínum vegna ástands brúnna yfir Sléttuá í Reyðarfirði og Stöðvará í Stöðvarfirði. Báðar þessar brýr sem eru á þjóðvegi 1 eru í afar slæmu ásigkomulagi og eru háðar þungatakmörkunum sem háir og hefur um langan tíma háð öflugu atvinnulífi í Fjarðabyggð. Þá er brúin yfir Sléttuá umferðarþyngsta einbreiða brú á þjóðvegi 1 á Austurlandi.

03.03.2023

Íbúafundur í Neskaupstað 6. Mars – Hönnun ofanflóðamannvirkja í Nes- og Bakkagili

Mánudaginn 6. mars kl. 20:00 verður íbúafundur í Nesskóla í Neskaupstað. Á fundinum verða kynnt drög að hönnun ofanflóðavarna í Nes- og Bakkagilli. Fulltrúar og hönnuðir frá ofanflóðasjóð munu kynna drögin og svara spurningum Íbúar eru hvattir til að mæta og kynna sér drögin. Fjarðabyggð

02.03.2023

Ungmennaþing Fjarðabyggðar

Miðvikudaginn 1. mars var haldið Ungmennaþing fyrir alla nemendur í 7. til 10. bekk úr grunnskólum í Fjarðabyggðar. Ungmennaþingið var haldið í Grunnskóla Fáskrúðsfjarðar og komu rúmlega 200 nemendur á staðinn með rútum. Ungmennaráð Fjarðabyggðar skipulagði viðburðinn í tengslum við verkefnið Barnvænt sveitarfélag.

01.03.2023

Söngstund í Eskifjarðarskóla

Í gærmorgun hófu nemendur skólans og Snillingadeildar daginn á söngstund inn í sal. Nemendur tóku hraustlega undir í söngstundinni og sungu lögin: Eitt lag enn, Enga fordóma, Fyrr var oft í koti, Lagið sem er bannað og Þetta er nóg. Það var þó greinilegt að margir voru tilbúnir að syngja aðeins lengur en það verður að bíða til næstu söngstundar sem verður næsta miðvikudag.

24.02.2023

Rostungur í heimsókn í Breiðdalsvík

Nú berast fréttir að rostungur hafi brugðið sér í heimsókn á bryggju í Breiðdalsvík. Dýralæknir hefur samkvæmt beiðni Matvælastofnunar farið og metið dýrið. Dýrið virðist ekki vera slasað en gæti verið aðeins meðtekið, en það getur verið erfitt að meta. Gæti líka verið að hvíla sig eftir langt ferðalag og átök.

24.02.2023

Almannavarnir: Askja er vel vöktuð

Almannavarnanefnd Austurlands hefur fundað reglulega frá því í mars 2022 með starfsmönnum Veðurstofu vegna jarðhræringa og landriss við Öskju sem hófst í ágúst 2021. Að auki sendir Veðurstofan vikulega upplýsingapóst um stöðu eldstöðva á landinu með niðurstöðum mælinga og vöktunar. Almannavarnir og sveitarfélög eru því vel upplýst um stöðu mála.

23.02.2023

Myndlistarnámskeið og Kammerkór Norðurlands

Margt er um að vera í menningarstarfi Fjarðabyggðar í mars. Þann 7. mars næstkomandi mun Menningarstofa Fjarðabyggðar mu halda kvöldnámskeið í myndlist í mars. Námskeiðin verða haldin í Neskaupstað, Eskifirði og Fáskrúðsfirði 7. – 30. mars og verða fjögur skipti á hverjum stað.

23.02.2023

Fjölþætt heilsuefling 65+ í Fjarðabyggð

Fjarðabyggð í samstarfi með Janus heilsueflingu, stendur yfir kynningarfundum mánudaginn 27. febrúar. Kynnt verður verkefnið Fjölþætt heilsuefling 65+, en nýtt verkefnið hefst í mars.

23.02.2023

Þjónusta sveitarfélaga 2022 – Könnun Gallup

Í desember og janúar tók Fjarðabyggð þátt í þjónustukönnun Gallup, sem mælir viðhorf íbúa til þjónustu sveitarfélagsin. Í könnuninni eru mæld nokkur af stærstu sveitarfélögum landsins og er um að ræða netkönnun sem framkvæmd var á tímabilinu 12.12.22 – 23.1.23. Úrtakið á landsvísu var ríflega 12.000 einstaklingar, 18 ára og eldri, lagskipt tilviljunarúrtak úr viðhorfshópi Gallup. Fjöldi svarenda í Fjarðabyggð var 165.

21.02.2023

Jóna Árný Þórðardóttir, nýr bæjarstjóri

Jóna Árný Þórðardóttir, framkvæmdastjóri Austurbrúar, verður næsti bæjarstjóri Fjarðabyggðar. Frá þessu var gengið í dag. Jóna Árný kemur frá Norðfirði og hefur víðtæka stjórnunarreynslu og sérþekkingu á sviði rekstrar, fjármála og þróunar. Hún er löggiltur endurskoðandi og starfaði sem ráðgjafi hjá KPMG árin 2005-8, síðan sem fjármálastjóri Fjarðabyggðar í tvö ár, síðan önnur tvö ár í innri endurskoðun Alcoa Fjarðaál. Hún starfaði síðan sjálfstætt þar til hún varð framkvæmdastjóri Austurbrúar vorið 2014.

20.02.2023

Starfslok bæjarstjóra Fjarðabyggðar

Jón Björn Hákonarson, bæjarstjóri Fjarðabyggðar, óskaði eftir því á fundi bæjarráðs í morgun að láta af störfum sem bæjarstjóri Fjarðabyggðar. Bæjarráð varð að ósk Jóns og munu starfslok hans verða í mars. Fjarðabyggð þakkar Jóni Birni vel unnin störf í þágu sveitarfélagsins og óskar honum velfarnaðar í framtíðinni. Vinna er þegar hafin við ráðningu nýs bæjarstjóra. Tilkynning varðandi það verður send út síðar. Nánari upplýsingar veitir: Stefán Þór Eysteinsson, formaður bæjarráðs Fjarðabyggðar seysteinsson@gmail.com eða í síma 858 5026

20.02.2023

Bætt heilsa eldri borgara

Verkefnið Fjölþætt heilsuefling fyrir eldri borgara hófst um miðjan ágúst á síðasta ári í Fjarðabyggð, hefur mælst vel fyrir hjá þátttakendum. Verkefninu er stýrt af fyrirtækinu Janus – Heilsuefling og er Fjarðabyggð eitt af sjö sveitarfélögum á landinu sem bjóða íbúum sínum 65 ára og eldri upp á slík námskeið.

17.02.2023

Skráning hafin í sumarfrístund 2023

Opið er fyrir skráningar í sumarfrístund 2023 fyrir börn sem eru að klára 1. – 4. bekk skólaárið 2022-2023. Sótt er um inná íbúagátt Fjarðabyggðar.

13.02.2023

Nýtt íþróttahús tekið í notkun á Reyðarfirði

Sunnudaginn 12. febrúar var fjölskyldudagurinn haldinn í Fjarðabyggð, af því tilefni var nýtt íþróttahús tekið í notkun. Mikill fjöldi gesta tók þátt í deginum og var fjölbreytt dagskrá í boði, ásamt því að íþróttamanneskja Fjarðabyggðar var útnefnd, íþrótta- og tómstundarfélög kynntu starfsemi sín, þá mætti Íþróttaálfurinn og Solla stirða til að skemmta börnunum ásamt því að hoppukastalar voru á staðnum.

13.02.2023

Íþróttamanneskja Fjarðabyggðar útnefnd

Íþróttamanneskja Fjarðabyggðar var útnefnd í gær og var það Þórarinn Ómarsson blakari í Þrótti sem hlaut þann titil. Í umsögn íþrótta- og tómstundaráðnefndar um Þórarinn segir að þó mikið sé að ungu og efnilegu íþróttafólki í Fjarðabyggð þótti Þórarinn kallaður Tóti, standa upp úr sem góður íþróttamaður, liðsfélagi og fyrirmynd.

10.02.2023

Gul viðvörun fyrir laugardaginn 11. febrúar

Enn einu sinni ætlar lægð að heimsækja okkur hér á Íslandi og henni fylgja gular viðvaranir frá Veðurstofunnar. Viðvörunin tekur gildi klukka 10:00 í fyrramálið og stendur til klukkan 20:00. Getur verið varasamt fyrir ökutæki sem eru viðkvæm fyrir vindi og fólk er hvatt til að ganga frá lausum munum.

10.02.2023

Brák íbúðafélag fékk afhentar í dag fyrstu íbúðirnar í Fjarðabyggð

Brák íbúðafélag fékk afhentar í dag fyrstu íbúðirnar í Fjarðabyggð og á Austurlandi. Íbúðirnar eru fimm talsins í raðhúsi að Búðarmel á Reyðarfirði. Það var byggingarfélagið Hrafnshóll sem sá um að byggja íbúðirnar.

09.02.2023

Búðavegur 8, Fáskrúðsfirði. TEMPLARINN

Fjarðabyggð leitar eftir tilboðum í Búðarveg 8 (Templarinn). Með tilboðinu þarf að fylgja tímasett áætlun tilboðgjafa um endurbætur á eigninni, hugmyndar um nýtingu hennar auk upplýsingum um fjármögnun endurbóta og fjárhagslegri stöðu tilboðsgjafa.

09.02.2023

Endurvinnsla á frauðplasti hafin í Fjarðabyggð

Í vikunni fékk Fjarðarbyggð góða heimsókn frá starfsmönnum Brims hf. sem hafa verið að vinna með sveitarfélaginu í snjalllausnum tengt úrgangi um nokkurn tíma. Í gegnum dótturfélag þess, Emblu Green Solutions ehf., hefur Fjarðabyggð hafið endurvinnslu á frauðplasti frá íbúum og fyrirtækjum og er stefnt að því að hefja útflutning á pressuðu frauðplasti á þessu ári. Starfsmenn sveitarfélagsins fengu kennslu um réttu handtökin við frauðpressuvél sem sveitarfélagið fékk til afnota.

07.02.2023

Fjölskyldudagur Fjarðabyggðar sunnudaginn 12. febrúar

Sunnudaginn 12. febrúar verður íþróttahúsið á Reyðarfirði tekið formlega í notkun ásamt því að íþróttamanneskja Fjarðabyggðar verður kynnt. Af því tilefni býður Fjarðabyggð til fjölskyldudags.

07.02.2023

Móttökustöðin á Reyðarfirði er lokað í dag 7. febrúar

Vegna veðurs er móttökustöðin á Reyðarfirði lokað í dag þriðjudaginn 7. febrúar. Beðist er velvirðingar á þeim óþægindum sem það kann að valda.

06.02.2023

Appelsínugul viðvörun

Enn ein skilin munu ganga yfir landið í fyrramálið og spáir Veðurstofan mjög slæmu veðri um nær allt land með appelsínugulri viðvörun. Víðast er gert ráð fyrir suðvestan stormi eða roki, mjög snörpum hviðum allt að 40 m/sek og mikilli úrkomu, slyddu eða snjókomu. Því er ljóst að ekkert ferðaveður verður á meðan þetta gengur yfir.Fólk er beðið um að tryggja muni utandyra og fylgjast vel með vedur.is og umferdin.is ef fólk þarf að vera á ferðinni.

06.02.2023

Dagur leikskólans

Í dag fagna leikskólarnir Degi leikskólans. Að því tilefni er verið að setja upp myndlistasýningu í nokkrum fyrirtækjum og stofnunum hér í Fjarðabyggð. Síðan til að fagna deginum enn meira þá verður starfsfólki og nemendum boðið uppá sólarpönnukökur í dag. Vonandi njótið þið sýningarinnar sem best 🙂

06.02.2023

Afgreiðsla Fjarðabyggðar flytur tímabundið

Afgreiðsla Fjarðabyggðar flytur tímabundið í húsnæði fjölskyldusviðs við Búðareyri 2 frá og með mánudeginum 6. febrúar.

03.02.2023

Börnin bjarga

Börnin bjarga er fastur liður í fræðslu skólahjúkrunarfræðinga á vegum heilsugæslunnar. Fræðslan fjallar um mikilvægi þess að temja sér rétt viðbrögð við hjartastoppi, en þau felast ma í því að kanna áreiti, hringja á hjálp, opna öndunarveg og loks hjartahnoð.

03.02.2023

Verkmenntaskóli Austurlands mætir liði Fjölbrautarskólans við Ármúla í Gettu Betur

Í kvöld mætir VA liði Fjölbrautaskólans við Ármúla í 8-liða úrslitum í Gettu betur. Keppnin er í beinni útsendingu á Rúv og hefst keppnin kl. 20:00. Við hvetjum öll til þess að fylgjast með keppninni og styðja við Ágústu, Geir og Ragnar! Áfram VA!

03.02.2023

Samstarfsverkefni um orkuskipti og orkutengda nýsköpun

Samstarfsverkefni á grunni hringrásarhagkerfis, orkuskipta og nýsköpunar á Austurlandi, sem hlotið hefur nafnið Eygló, var stofnað formlega í gær. Fjarðabyggð er þátttakandi í verkefninu í samvinnu við önnur sveitarfélög á Austurlandi, SSA, Austurbrú, Landsvirkun og umhverfis-, orku- og loftslagsráðuneytisins Skrifað var undir samstarfssamning milli aðila í Fljótsdalsstöð.

01.02.2023

Skíðamiðstöðin í Oddskarði opnar í dag

Skíðamiðstöðina í Oddsskarði opnar í dag miðvikudaginn 1. febrúar klukkan 16:00 - 19:00 Opið verður í byrjendalyftu og 1. lyftu, gil og suðurbakki eru inni. Varað er við utanbrautarskíðun þar sem grjót geta staðið uppúr. Frítt verður í fjallið.