Fréttir | Fjarðabyggð

25.07.2022

Sumarlokun bæjarskrifstofu

Bæjarskrifstofa Fjarðabyggðar verður lokuð í tvær vikur dagana 22. júlí til 5.ágúst að báðum dögum meðtöldum. Skiptiborð bæjarins 470 9000 verður opið frá 10:00 til 12:00 og 12:30 til 16:00.

22.07.2022

Glæsileg menningardagskrá í Fjarðabyggð um helgina

Það er margt að gerast í Fjarðabyggð um helgina og hér að neðan má sjá hluta af þeim viðburðum sem eru í boði. Lista- og menningarhátíðinni Innsævi sem staðið hefur yfir síðustu vikurnar lýkur síðan á sunnudaginn.

19.07.2022

Lokapunktur skapandi sumarstarfa

Í sumar hafa fimm listamenn í skapandi sumarstörfum unnið hörðum höndum því að mála Fjarðabyggð í öllum regnboganslitum, bæði sem einstaklingar og í hópi listamanna sem komið hafa á Innsævi, Tónaflugi og tekið þátt í allskonar viðburðum á vegum Menningarstofu og annarra sem hafa verið haldnir í Fjarðabyggð í sumar.

18.07.2022

Fjarðabyggð hlýtur styrk frá Alcoa Foundation til náttúrverndar og minjavörslu á Gerpissvæðinu og í Hólmanesi

Alcoa Foundation, samfélagssjóður Alcoa í Bandaríkjunum, hefur veitt Fjarðabyggð 130 þúsund dollara styrk til að stuðla að náttúruvernd og minjavörslu á Gerpissvæðinu og í Hólmanesi. Styrkurinn var veittur formlega í Viðfirði föstudaginn 15. júlí síðastliðinn. Þar var hópur á vegum Fjarðabyggðar að vinna að því að byggja upp göngustíg á svæðinu en það er hluti af þeirri vinnu sem styrkurinn nær til. Vinnan felst meðal annars í því að viðhalda gömlum hleðslum og veita vatni frá stígnum.

18.07.2022

Tillaga að svæðisskipulagi fyrir Austurland

Svæðisskipulagnefnd fjögurra sveitarfélaga á Austurlandi hefur auglýst tillögu að svæðisskipulagi fyrir Austurland, þ.e. Svæðisskipulag Austurlands 2022-2044, samkvæmt 24. gr. skipulagslaga nr. 123/2010. Í svæðisskipulagstillögunni er sett fram sameiginleg stefna sveitarfélaganna í landshlutanum á sviði umhverfis, efnahags, samfélags og menningar með það að markmiði að Austurland verði æ betra til búsetu, atvinnu og ferðalaga.

13.07.2022

Bæjarhátíðin Útsæðið

Bæjarhátíðin Útsæðið verður haldin á Eskifirði dagana 14. - 17. júlí. Dagskrá hátíðarinnar hefst á morgun fimmtudag og stendur fram á sunnudag. Bæjarhátíðin Útsæðið er hátíð fjölskyldunnar þar sem gestir og gangandi koma saman og njóta samveru, borða og hlusta á góða tónlist.

13.07.2022

Glæsileg menningardagskrá framundan í Fjarðabyggð

Menningardagskrá næstu daga í Fjarðabyggð er sérlega glæsileg. Listahátíðin Innsævi er í fullum gangi og Tónaflug er framundan. Bæjarhátíðin Útsæði hefst síðan á morgun fimmtudag á Eskifirði. Hér má nálgast upplýsingar um það helsta sem er á döfinni næstu daga.

10.07.2022

Frönsk ungmenni minnast látinna franskra sjómanna

Þrjú frönsk ungmenni; Theo, Eva og Lucas frá Dunkerque, hafa verið á ferð um landið hjólandi síðustu daga. Þau lögðu upphaflega af stað með seglskútunni Anne í byrjun júlí. Tilgangur ferðar þeirra er að feta í fótspor franskra sjómanna sem stunduðu veiðar við Ísland og minnast þeirra 165 sjómanna sem fórust í hamfaraveðrinu 28. apríl 1888. Ferðin er hluti af verkefninu VATNA sem styrkir jafnframt ferðina.

07.07.2022

Deiliskipulag Mjóeyrarhafnar - kynning á vinnslustigi

Fjarðabyggð kynnir tillögu að deiliskipulagi Mjóeyrarhafnar á vinnslustigi, í samræmi við 40. gr. skipulagslaga nr. 123/2010.

07.07.2022

Varanleg lokun hluta Lambeyrarabrautar á Eskifirði

Framkvæmdum við Lambeyrarbraut miðar vel áfram. Á meðan veður leyfir verður unnið áfram í flóðavörnum sem og yfirborðsfrágangi i sumar og fram á vetur. Hluti af flóðavörnum eru veggir meðfram Botnabraut og loka þeir veggir m.a. Lambeyrarbrautinni þannig að sú gata mun hér eftir verða tvístefnugata í stað einstefnugötu.

06.07.2022

Vatnslaust í Melgerði 7 Reyðarfirði

Vegna viðgerðar verður vatnslaust í Melgerði 7 Reyðarfirði, til klukkan 16:00, í dag miðvikudaginn 6. júlí.

04.07.2022

Bókun bæjarráðs vegna stöðu innanlandsflugs

Bæjarráð Fjarðabyggðar lýsir yfir þungum áhyggjum af þeirri stöðu sem uppi hefur verið í innanlandsflugi á vegum Icelandair síðustu misseri. Miklar tafir ásamt því að flug hefur verið fellt niður, hefur valdið notendum miklum vandræðum. Þá hefur einnig verið skortur á sætaframboði sem ekki síður hefur haft áhrif á þjónustuna.

29.06.2022

Lokað fyrir vatn í Ásgarði og Miðgarði fimmtudaginn 30. júní

Vegna viðgerðar verður lokað fyrir vatn í fyrramálið í Ásgarði, Miðgarði og nágrenni í Neskaupstað, frá klukkan 7.30 og fram eftir morgni.

27.06.2022

Innsævi er hafið!

Í síðustu viku hófst Innsævi, Menningar- og listahátíð Fjarðabyggðar. Innsævi er tvíæringur sem Menningarstofa Fjarðabyggðar heldur utan um og skipuleggur. Hátíðin er nú haldin í annað sinn og fer hún fram dagana 23. júní til 24. júlí um allt sveitarfélagið.

23.06.2022

Fjarðabyggð og CIP ganga til samninga um grænan orkugarð

Fjarðabyggð og CI ETF I, sem stýrt er af Copenhagen Infrastructure Partners (CIP), hafa undirritað sameiginlega yfirlýsingu um að stíga næstu skref að uppbyggingu græns orkugarðs og framleiðslu græns rafeldsneytis í Fjarðabyggð.

22.06.2022

Stærsta súrálsskip sem komið hefur til landsins

Í síðustu viku lá súrálsskipið MSXT Emily við bryggju á Mjóeyrarhöfn. Um er að ræða stærsta súrálsskip sem komið hefur til landsins en skipið er 85.000 brúttólestir, um 230 metra langt og 36 metra breitt. MSXT Emily er glænýtt skip og var því í jómfrúarferð sinni. Skipið kom frá Bunbury í Ástralíu og losaði 52.000 tonn af súráli til Alcoa Fjarðaáls. Ferðin frá Ástralíu tók um sex vikur.

21.06.2022

Vígsluhátíð Leikskólans Lyngholts Reyðarfirði

Vígsluhátið Leikskólans Lyngholti fimmtudaginn 16. júní í blíðskaparveðri. Nemendur tóku þátt í fjölbreyttri dagskrá allan morguninn og síðan var grillað í góða veðrinu. Formleg dagskrá hófst síðan klukkan 14:00 með stuttri dagskrá sem Katríni Lembi Alexsandersdóttir, deildarstjóri og viðburðarstjóri Lyngholts, stýrði af myndarbrag.

21.06.2022

Tilkynning vegna ástands stiga við gönguleið að Páskahelli

Lokað hefur verið tímabundið fyrir leiðina niður að Páskahelli, þar sem náttúruöflin hafa tekið sneið af jarðvegi neðst við stigann sem liggur niður að hellinum. Framkvæmdasvið Fjarðabyggðar hefur látið smíða nýjan stiga sem mun ná niður að yfirborðinu. Stiginn verður settur niður á næstunni.

17.06.2022

Franskar skútur á Fáskrúðsfirði

Skútur sem taka þátt í frönsku siglingakeppninni Vendée Arctique hafa nú leitað skjóls inn á Fáskrúðsfirði vegna veðurs. Skúturnar byrjuðu að týnast inn á Fáskrúðsfjörð í dag hefur smám saman fjölgað eftir því sem líður á daginn.

16.06.2022

Hátíðahöld vegna 17. júní færð inn í Skrúð

Vegna óhagstæðrar veðurspár fyrir morgundaginn hafa Ungmennafélagið Leiknir og Fjarðabyggð ákveðið að hátíðardagskrá vegna 17. júní verði færð inn í Félagsheimilið Skrúð. Dagskráin hefst með óhefðbundinni messu í Fáskrúðsfjarðarkirkju og þaðan verður gengið yfir í Skrúð þar sem hátíðardagskrá hefst kl. 14:00. Vegna hátíðahaldanna þarf að loka hluta Skólavegar til að tryggja öryggi gesta á hátíðinni. Bílum sem eiga erindi í þau hús sem lenda innan lokunarinar verður hleypt í gegn. Hér að neðan má sjá kort af hátíðarsvæðinu.

14.06.2022

Vígsluhátíð Lyngholts 16. júní 2022

Fimmtudaginn 16. júní milli kl. 14 - 16 verður ný viðbygging við Leikskólann Lyngholt formlega tekin í notkun. Af því tilefni verður íbúum boðið að koma og vera viðstaddir, þiggja veitingar og skoða húsnæði Lyngholts.

14.06.2022

Hátíðahöld í Fjarðabyggð vegna 17. júní 2022

Sú hefð hefur skapast að hátíðahöld vegna 17. júní færast á milli bæjarkjarna. Að þessu sinni verður haldið upp á 17. júní á Fáskrúðsfirði í samvinnu við Ungmennafélgið Leikni. Dagskrá dagsins má finna hér að neða

07.06.2022

Litagleði - Sumarsýning Tryggvasafns 2022

Hinn 1. júní opnaði sumarsýning Tryggvasafns í Safnahúsinu í Neskaupstað. Sýningin ber heitið Litagleði og allir sem skoða verkin hljóta að viðurkenna að hún stendur undir nafni

03.06.2022

Vatnstruflanir á Reyðarfirði í 3. júní

Vegna bilunar í vatnsveitu gætu orðið truflanir á vatnsrennsli við eftirtaldar götur á Reyðarfirði í dag, föstudaginn 3. júní. Túngata Hjallavegur Mánagata Heiðarvegur Hæðargerði Unnið er að viðgerð, en búast má við truflunum fram eftir degi á meðan á henni stendur.

01.06.2022

Aðlögun aðfluttra og innflytjenda í landsbyggðum á Íslandi - Kynning á rannsókn

Fimmtudaginn 2. júní verður kynning á rannsókninni Aðlögun aðfluttra og innflytjenda í landsbyggðum á Íslandi í Tónlistarmiðstöð Austurlands. Kynningin hefst kl. 17:00 og er aðgangur ókeypis.

31.05.2022

Vatnsleysi á Stöðvarfirði 31. maí

Vatnslaust verður í innbæ Stöðvarfjarðar, frá Kaffi Söxu og innúr, frá kl. 13 - 15 í dag þriðjdaginn 31. maí vegna viðgerðar á vatnsveitu.

31.05.2022

Vatnsleysi í Breiðdal þriðjudaginn 31.maí

Vatnslaust verður í Sæbergi í Breiðdal þriðjudagsmorguninn 31.mai milli 08.00 og 10.00

24.05.2022

Sjónlist – Listasýning nemanda í VA í Þórsmörk

Laugardaginn 28. maí kl. 13:00 verður myndlistasýningin Sjónlist sýnd í Þórsmörk. Á sýningunni verða til sýnis verk nemenda við Verkmenntaskóla Austurlands sem þau hafa unnið að í vetur.

20.05.2022

KFA - Völsungur í Fjarðabyggðarhöllinni 20. maí kl. 19.15

KFA, nýtt sameinað lið KFF og Leiknis, mætir Völsungi frá Húsavík í þriðju umferð 2.deildar í Fjarðabyggðarhöllini föstudaginn 20. maí 19:15. KFA gerðu jafntefli fyrsta leik sínum í deildinni við KF, áður en liðið tapaði síðan naumlega gegn Haukum á útivelli í síðustu umferð. Fjölmennum á völlinn og styðjum okkar stráka til sigurs.

18.05.2022

Fjarðabyggð/Höttur/Leiknir - FH laugardaginn 21. maí

Laugardaginn 21. maí taka stelpurnar í Fjarðabyggð/Hetti/Leikni á móti FH í 3.umferð Lengjudeildar kvenna. Leikurinn fer fram í Fjarðabyggðarhöllinni og hefst hann kl. 12:00.