Fara í efni

Fréttir

17.11.2021

Niðurgreiðslur vegna húshitunar

Á undanförnum vikum hefur Orkustofnun borist fjölda umsókna frá Fjarðabyggð, einkum frá Neskaupstað, um niðurgreiðslu á húshitunarkostnaði. Mikill tími hefur farið í að fara yfir allar þessar umsóknir en niðurstaðan hefur í öllum tilvikum verið að viðkomandi einstaklingar hafi verið með niðurgreiðslu fyrir. Því biður Orkustofnun notendur um að kanna hjá RARIK, hvort þeir séu með niðurgreiðslu áður en þeir senda inn umsókn til Orkustofnunar.
17.11.2021

Viljayfirlýsing um uppbyggingu á fjórum leiguíbúðum á Norðfirði

Fjarðabyggð, Leigufélagið Bríet og Húsnæðis- og mannvirkjastofnun, hafa gert með sér viljayfirlýsingu um uppbyggingu á fjórum leiguíbúðum á Norðfirði. Um er ræða framhald af samstarfi þessara aðila en Fjarðabyggð gekk samhliða viljayfirlýsingunni frá samkomulagi um að fjórar íbúðir að Leynimel á Stöðvarfirði færu jafnframt inn í leigufélagið Bríet líkt og íbúðir að Réttarholti á Reyðarfirði.
16.11.2021

Tilkynning frá aðgerðastjórn á Austurlandi - 16.nóvember

Fimm ný smit greindust eftir sýnatöku í gær, tvö þeirra á Breiðdalsvík og Stöðvarfirði og þrjú á Egilsstöðum. Fjórir hinna smituðu voru í sóttkví. Smitrakning stendur yfir vegna þess fimmta. Í ljósi smita sem greinst hafa í Breiðdalsvíkur- og Stöðvarfjarðarskóla verða báðir lokaðir á morgun. Hið sama á við um leikskólann. Þá mun boðið upp á auka sýnatöku í kvöld, 16. nóvember.
16.11.2021

Sýnataka í Breiðdal og á Stöðvarfirði

Í ljósi smita sem greinst hafa undanfarna daga í tengslum við Breiðdals- og Stöðvarfjarðarskóla hefur verið ákveðið að bjóða upp á auka sýnatöku í kvöld, 16. nóvember, bæði á Breiðdalsvík og Stöðvarfirði. Tímasetningar sýnatöku: Kl. 18-18:30 á Breiðdalsvík (sýnatakan verður staðsett í grunnskólanum) Kl. 20-20:30 á Stöðvarfirði (sýnatakan verður staðsett í grunnskólanum)
15.11.2021

Tilkynning frá aðgerðastjórn á Austurlandi - 15.nóvember

Ekkert nýtt smit hefur greinst í Breiðdal og á Stöðvarfirði. Margir íbúar fóru hinsvegar í sýnatöku í dag og ætti niðurstaða að liggja fyrir á morgun þriðjudag. Skólahald fyrsta til sjötta bekkjar grunnskólans liggur niðri og mun svo vera meðan niðurstöðu er beðið. Leikskólinn verður og lokaður á morgun. Þá greindist smit á Egilsstöðum í dag. Ekki er talið að það hafi dreift sér. Smitrakning stendur yfir. Aðgerðastjórn beinir því til íbúa að gæta að sér í hvívetna enda smit enn að greinast í umdæminu og brýnt að fara varlega sem fyrr.
15.11.2021

Allt skólahald fellur niður í Breiðdal og á Stöðvarfirði mánudaginn 15. nóvember

Í ljósi nýrra upplýsinga og í samráði við sóttvarnaryfirvöld hefur verið ákveðið að hafa leikskóladeildirnar í Breiðdal og á Stöðvarfirði lokaðar í dag mánudaginn 15.nóvember, á meðan unnið er að frekari smitrakningu. Allt skólahald í Breiðdals- og Stöðvarfjarðarskóla fellur þannig niður í dag.
14.11.2021

Tilkynning frá aðgerðastjórn á Austurlandi - 14. nóvember

Upp hefur komið Covid-19 smit hjá nemanda á miðstigi í Breiðdals- og Stöðvarfjarðarskóla. Í samráði við smitrakningateymið var ákveðið að allir nemendur í 1.-6. bekk skólans fari í sóttkví ásamt nokkrum starfsmönnum skólans. Aðrir nemendur og starfsmenn í grunnskólahluta skólans fara í smitgát. Allt skólahald í 1.-10. bekk Breiðdals- og Stöðvarfjarðarskóla fellur niður mánudaginn 15. nóvember en eðlilegt skólahald verður hjá nemendum í leikskóladeildum skólans.
12.11.2021

Pólskar kvikmyndir á Eskifirði

Í dag hefst í Fjarðabyggð pólska kvikmyndahátíðin Pólskar kvikmyndir á Eskifirði /Polskie filmy w Eskifjörður /Polish films in Eskifjörður og stendur hún frá föstudegi til sunnudags, 12. – 14. nóvember. Á dagskránni eru heimildamyndir, stuttmyndir og kvikmyndir í fullri lengd, bæði fyrir börn og fullorðna. Hver og einn ætti að geta fundið eitthvað við sitt hæfi. Myndirnar verða sýndar með enskum texta og aðgangur er ókeypis. Sýningar fara fram í Valhöll á Eskifirði og þetta verður vonandi ekki í eina sinn sem hátíð af þessu tagi fer fram í Fjarðabyggð.
12.11.2021

Tilkynning frá aðgerðastjórn - föstudagur 12.nóvember

Engin ný smit greindust á Austurlandi eftir sýnatöku gærdagsins. Vonir standa til að náðst hafi að hefta útbreiðslu út frá þeim smitum sem greinst hafa á Vopnafirði, Egilsstöðum og Fáskrúðsfirði. Áfram þurfum við þó að gæta varúðar og hafa lágan þröskuld fyrir því að fara í PCR sýnatöku ef einkenna verður vart. Hertar samkomutakmarkanir voru kynntar í morgun og taka gildi á miðnætti, aðgerðastjón hvetur til þess að fólk kynni sér hertar reglur. Nú sem aldrei fyrr er nauðsyn fyrir að við gerum þetta saman.
11.11.2021

Íþróttamannvirki á Fáskrúðsfirði lokuð fram yfir helgi

Íþróttamannvirki á Fáskrúðsfirði - sundlaug og íþróttahús - verða lokuð fram yfir helgi vegna Covid smits og smitrakningar sem stendur yfir.
10.11.2021

Sorpmóttökur lokaðar í dag miðvikudaginn 10.nóvember

Af óviðráðanlegum orsökum verða allar sorpmóttökustöðvar Fjarðabyggðar lokaðar í dag miðvikudaginn 10.nóvember. Beðist er velvirðingar á óþægindum sem þetta kann að valda.
06.11.2021

UPPFÆRT - Opnunartímar Norðfjarðarganga næstu daga meðan viðgerð stendur yfir

Opnunartími ganganna á meðan á viðgerð stendur yfir hefur breyst. Norðfjarðargöng verða opin frá 19:00 í kvöld, laugardag, fyrir allri umferð til kl. 09:00 á mánudagsmorgun. Næstu daga verður opið á nóttunni. Í dag og þegar vinna hefst aftur á mánudagsmorgun verður sama opnun og verið hefur, og hleypt í gegn á heila tímanum í tíu mínútur í senn. Unnið er af krafti að fullnaðarviðgerðum í Norðfjarðargöngum vegna skemmd á sprautusteypu í lofti ganganna. Opnað verður fyrir umferð nokkrum sinnum á dag meðan á viðgerðum stendur en lokað verður á nóttunni. Reiknað er með að viðgerðin muni taka nokkra daga. Oddskarðsgöng eru auk þess opin umferð fyrir minni bíla. Ekki er unnt að sinna viðgerðum nema göngin séu lokuð.
05.11.2021

Rýmingarskiltum dreift í hús á Eskifirði og í Neskaupstað

Almannavarnadeild ríkislögreglustjóra útbjó rýmingarskilti í kjölfar aurskriðna á Seyðisfirði í lok árs 2020. Skiltið var borið í öll hús á Seyðisfirði fyrr á þessu ári. Næstu daga mun samskonar rýmingarskiltum vera dreift í öll hús á Eskifirði og í Neskaupstað sem lið í almannavörnum.
04.11.2021

Fjárhagsáætlun Fjarðabyggðar 2022 og þriggja ára áætlun 2023-2025

Fimmtudaginn 4. nóvember 2021 var tekin til fyrri umræðu í bæjarstjórn Fjarðabyggðar fjárhagsáætlun sveitarfélagsins og stofnana fyrir árið 2022 og þriggja ára áætlun fyrir árin 2023-2025. Seinni umræða bæjarstjórnar um fjárhagsáætlunina hefur ekki verið ákveðin en mun fara fram fyrri hluta desembermánaðar.
02.11.2021

Almenningssamgöngur - Lokun Norðfjarðarganga - seinkanir á tímaáætlun

Almenningssamgöngur eru á áætlun að mestu en einhverjar raskanir verða óhjákvæmilega á tímaáætlunum næstu daga vegna lokunar Norðfjarðarganga. Ekið verður í gegnum gömlu Oddsskarðsgöngin þar til Norðfjarðargöng verða opnuð að nýju.
29.10.2021

Undirrituð viljayfirlýsing um samstarf milli Rotterdamhafnar og Fjarðabyggðarhafna

Undirrituð var í gær viljayfirlýsing um samstarf milli Rotterdamhafnar og Fjarðabyggðarhafna á sviði hafnamála með sérstaka áherslu á framleiðslu vetnis og annarra grænna orkugjafa. Undirritunin fór fram á skrifstofu Rotterdamhafnar í tengslum við fundi og málstofur um framleiðslu græns vetnis og rafeldsneytis, sem haldnir hafa verið í Amsterdam þessa viku.
27.10.2021

Dagar myrkurs í Fjarðabyggð

Dagar myrkurs eru haldnir 27. október til 31. október á Austurlandi og það verður ýmislegt skemmtilegt gert af því tilefni hér í Fjarðabyggð. Við hvetjum fólk til að taka þátt í viðburðum og hjálpa til við að gera Daga myrkurs að hátíð sem veitir okkur gleði og ánægju. Við hvetjum alla til að taka þátt á sinn einstaka þátt en bendum einnig á eftirfarandi viðburði og hugmyndir. Endilega látið menningarfulltrúanna okkar vita ef þið hafið eitthvað á prjónunum sem hjálpa til við að koma því á framfæri.
25.10.2021

Umhverfis- og loftlagsstefna Fjarðabyggðar

Umhverfis- og loftlagsstefna Fjarðabyggðar 2020-2040 var samþykkt í bæjarstjórn Fjarðabyggðar fyrr á árinu. Helsta markmið stefnunnar er að skipuleggja nýtingu náttúruauðlinda á sem sjálfbærasta hátt og stuðla að minni losun gróðurhúsalofttegunda.
19.10.2021

Samstarfssamningur Heimilis og skóla við Fjarðabyggð og Fjarðaforeldra

Mánudaginn 18. október skrifuðu fulltrúar Heimilis og skóla, Fjarðabyggðar og Fjarðaforeldra undir samstarfssamning þess efnis að fagaðilar frá Heimili og skóla komi árlega með fræðslu til skólasamfélagsins í Fjarðabyggð. Áherslan er fyrst í stað lögð á SAFT fræðslu, þ.e. jákvæða og örugga netnotkun barna og unglinga ásamt fræðslu til bekkjarfulltrúa og foreldrafélaga í leik- og grunnskólum sveitarfélagsins.
16.10.2021

Tilkynning frá aðgerðarstjórn á Austurlandi 16. október

Í gær greindist eitt nýtt smit á Austurlandi, viðkomandi var ekki í sóttkví við greiningu. Smitrakning fór strax af stað og voru nokkrir settir í sóttkví en aðrir sem töldust minna útsettir fóru í smitgát. Um 15 manns fóru í sýnatöku í gær í tengslum við smitrakningun og öll þau sýni voru neikvæð. Auka opnun verður í sýnatöku á Reyðarfirði í dag milli 12-13 og vill aðgerðastjórn hvetja alla þá sem finna fyrir minnstu einkennum að koma í þá sýnatöku. Nú skiptir máli sem fyrr að huga að persónubundnum sóttvörnum og standa saman í að takmarka útbreiðslu veirunnar.
15.10.2021

Framkvæmdir við ofanflóðavarnir við Lambeyrará

Framkvæmdir við ofanflóðavarnir við Lambeyaraá á Eskifirði hafa gengið vel. Framkvæmdasvæðið meðfram Botnabraut er þröngt og hefur því óhjákvæmilega töluverð áhrif fyrir íbúa við Lambeyraránna. Farvegur Lambeyrarár er breikkaður og dýpkaður og varinn með steyptum veggjum. Þá verður Botnabrautin endurbyggð og allar lagnir endurnýjaðar í götunni.
14.10.2021

Breytingar á tímatöflu almenningssamgangna í Fjarðabyggð frá 18. október.

Byrjað verður að aka eftir lítilega breyttri tímatöflu í almenningssamgöngum í Fjarðabyggð mánudaginn 18. október. Breytingar verða á ferðum seinnipartinn á leið 1 til að koma eftir að ábendingar bárust um hluti sem betur máttu fara. Athugið að engar breytingar verða á morgunferðum á leið 1 eða ferðum á leið 2. Breytta tímatöflu má finna með því að smella hér.
13.10.2021

Þrjú fyrirtæki munu taka þátt í þróunarferli græns orkugarðs á Reyðarfirði

Viljayfirlýsing um verkefni sem gæti hraðað orkuskiptum á Íslandi með uppbyggingu á grænum orkugarði á Reyðarfirði var undirrituð í gær. Landsvirkjun, Copenhagen Infrastructure Partners (CIP) og sveitarfélagið Fjarðabyggð hafa unnið að því undanfarið að kanna kosti þess að þróa slíkan orkugarð og nú hafa fyrirtækin Atmonia, Síldarvinnslan og Laxar bæst við. Markmiðið er að meta hvernig framleiðsla á grænu rafeldsneyti getur greitt fyrir orkuskiptum í sjávarútvegi, sjóflutningum og landflutningum.
07.10.2021

Vel heppnaður íbúafundur á Reyðarfirði um grænan orkugarð

Um 70 manns mættu á opinn íbúafund Fjarðabyggðar og Landsvirkjunar á Reyðarfirði á þriðjudaginn þar sem kynntar voru þær hugmyndir sem uppi eru um grænan orkugarð og framleiðslu á rafeldsneyti á Reyðarfirði.
07.10.2021

Samningur við Leigufélagið Bríet

Í gær var ritað undir samning við opinbera Leigufélagið Bríet, sem er í eigu Húsnæðis- og mannvirkjastofnunar (HMS), um yfirtöku félagsins á íbúðum Fjarðabyggðar í Réttarholti 1-3 á Reyðarfirði.
04.10.2021

Fuglateiknistöð á Eskifirði

Menningarstofa Fjarðabyggðar og BRAS standa fyrir svokallaðari Fuglateiknistöð á Eskfirði, miðvikudaginn 6. október frá kl. 17:00 - 18:30. Fuglateiknararnir Elín Elísabet Einarsdóttir og Rán Flygenring stýra smiðjunni og bjóða upp á margvíslegar fuglateikniæfingar. Engrar teikni- né fuglakunnáttu er þörf fyrir þessa skemmtilegu smiðju!
01.10.2021

Grænn orkugarður - Hvað er það? Íbúafundur á Reyðarfirði 5. október

Fjarðabyggð og Landsvirkjun boða til opins íbúafundar í Grunnskólanum á Reyðarfirði þriðjudaginn 5. október kl. 20:00. Á fundinum verða kynntar þær hugmyndir sem uppi eru varðandi uppbyggingu á grænum orkugarði á Reyðarfirði, og þau tækifæri sem í verkefninu felast.
01.10.2021

Truflanir á heitu vatni á Eskifirði 1.10.2021

Truflanir verða á rennsli á heituvatni á Eskifirði í dag milli kl. 13:00 - 16:00 á svæðinu milli Grjótár og Lambeyrarár.
30.09.2021

Norðurskaustráðið í Þórsmörk

Listasýningin Norðurskaustráðið er ný sería af klippimyndum eftir bandaríska listamanninn Marc Alexander sem sýnd verður í Þórsmörk í Neskaupstað 2. - 24. október. Sýninggin opnar 2. október og verðu opinn alla laugardaga í október.
30.09.2021

Vatnslaust við Búðaveg og Hafnargötu á Fáskrúðsfirði milli kl. 13:00 - 16:00 í dag

Vegna viðgerðar á vatnsveitu á Fáskrúðsfirði verður vatnslaust í flestum húsum við Hafnargötu og Búðaveg milli kl. 13:00 - 16:00 í dag, fimmtudaginn 30.september.
1 ... 25 26 27 28 29 ... 73