Fréttir | Fjarðabyggð

27.03.2025

Opið kall til listafólks á Austurlandi!

Opið kall til listafólks á Austurlandi fyrir BRAS, menningarhátíð barna og ungmenna! Óskað er eftir samstarfi við listafólk á Austurlandi til að bjóða uppá listar- og menningarviðburði, eða vinnustofur fyrir börn og ungmenni á áttundu BRAS hátíðinni sem fer fram í haust.

25.03.2025

Listamenn í rannsóknardvöl í Þórsmörk 2025

Árið 2025 verða átta listamannadvalir í Þórsmörk þar sem listamenn munu vinna að nýjum verkefnum, stunda staðbundnar rannsóknir og halda opnar vinnustofur og aðrar skemmtilegar uppákomur. Við erum spennt að kynna þá hæfileikaríku listamenn sem hlutu sæti í rannsóknardvölinni að þessu sinni.

21.03.2025

Mottumars haldinn í Leikskólanum Kærabæ

Nemendur og starfsfólk leikskólans Kærabæjar héldu uppá Mottumarsdaginn í gær (fimmtudaginn 20. mars). Starfsfólk og nemendur mættu bláklædd í skólann og fengu að prófa yfirvaraskegg sem að Krabbameinsfélag Austfjarða færði leikskólanum. Starfsfólk skólans skipulögðu Mottumarshlaup fyrir nemendur og voru vegalengdir skipulagðar með aldur barnanna í huga. Þau allra yngsu fengu einnig að taka þátt en hlupu í garði leikskólans. Börnin skemmtu sér vel ásamt starfsfólki skólans.

19.03.2025

Sameiginleg opnun Félagsmiðstöðva Fjarðarbyggðar

Síðastliðinn föstudag (14.mars), fór fram fyrsta sameiginlega opnun Félagsmiðstöðva í Fjarðabyggð. Kvöldið hófst á rútuferðum, en rútur komu við í öllum byggðarkjörnum Fjarðabyggðar. Klukkan 20:00 voru allir komnir í hús og söfnuðust unglingar og starfsmenn saman í nýja salnum í íþróttahúsi Reyðarfjarðar. Þar bauð Karitas Harpa, deildarstjóri frístunda barna og unglinga í Fjarðabyggð, öll ungmenni velkomin og fór yfir reglur, dagskrá og skipulag.

19.03.2025

Skólahátíð Stóru upplestrarkeppninnar

Þriðjudaginn 18. mars var haldin skólahátíð þar sem nemendur 7. bekkjar Grunnskólans á Eskifirði æfðu sig í upplestri fyrir foreldra og kennara í sal skólans. Nemendur stóðu sig með eindæmum vel og mega þeir vera stoltir af frammistöðu sinni. Það hefur verið einstaklega gaman að fylgjast með miklum framförum nemenda í framsögn og framkomu og óhætt er að segja að margir sætir sigrar hafi unnist með þátttökunni því hugrekki og öryggi nemenda við að koma fram hefur einnig aukist til muna.

13.03.2025

Úthlutun úr Menningarsjóði 2025

Stjórn Menningarstofu Fjarðabyggðar úthlutaði styrkjum til ýmissa verkefna úr menningarsjóði á fundi sem haldinn var mánudaginn 17. febrúar.

11.03.2025

Metþátttaka í Upptaktinum á Austurlandi

Í febrúar fór tónsmiðjan Upptakturinn á Austurlandi fram í Studio Silo á Stöðvarfirði. Smiðjan, sem er opin ungmennum í 5.–10. bekk, gaf þátttakendum tækifæri til að þróa tónlistarhugmyndir sínar í skapandi og hvetjandi umhverfi. Í ár var metþátttaka, en alls tóku 18 börn þátt og voru 13 lög send til dómnefndar Upptaktsins í Reykjavík.

05.03.2025

Fyrsta sameiginlega opnun félagsmiðstöðvanna er núna á föstudaginn!

Fjölskyldunefnd ákvað það á fundi sínum á dögunum að hafa sameiginlega opnun einusinni í mánuði út skólaárið. Ungmenni í Fjarðabyggð hafa verið að kalla eftir sameiginlegri opnun félagsmiðstöðva. Þannig gefst þeim tækifæri til að hittast, kynnast og styrkja tengslin á milli kjarna innan Fjarðabyggðar. Von er á spennandi dagskrá næsta föstudag sem unnin hefur verið í samstarfi við ungmennin.

05.03.2025

Nýr stjórnandi þjónustu- og framkvæmdarmiðstöðvar tekinn við

Hilmir Þór Ásbjörnsson hefur tekið við sem stjórnandi þjónustu- og framkvæmdarmiðstöðvar. Um er að ræða nýja stöðu innan Fjarðabyggðar.

04.03.2025

Félagsmiðstöðin Knellan á Eskifirði 40 ára

Þann 22. febrúar síðastliðinn varð félagsmiðstöðin Knellan, á Eskifirði, 40 ára gömul. Í tilefni af þessum tímamótum var haldin kökukeppni í Knellunni fimmtudaginn 20. febrúar. Nemendur í 8. – 10.bekk bökuðu, skreyttu og komu með köku á kvöldopnunina.

27.02.2025

Velheppnuð opnun á Píeta skjóli á Reyðarfirði

Píeta samtökin og Fjarðarbyggð buðu til viðburðar í morgun á Reyðarfirði, tilefnið var opnun á meðferðarúrræði og undirritun samstarfssamnings Píeta samtakanna og Fjarðabyggðar. Jóna Árný Þórðardóttir, bæjarstjóri Fjarðabyggðar og Ellen Calmon, framkvæmastýra samtakanna undirrituðu samninginn. Íbúar Fjarðabyggðar, fagfólk og áhugafólk um geðheilbrigði mættu á svæðið. Gestir kynntu sér meðferð og úrræði Píeta samtakanna, hittu fagfólk og framkvæmdastýru samtakanna.

26.02.2025

Píeta samtökin opna Píeta skjól á Reyðarfirði fimmtudaginn 27. febrúar kl. 10:00

Píeta samtökin og Fjarðarbyggð bjóða til viðburðar núna á fimmtudaginn 27. febrúar kl. 10 að Búðareyri 1 á Reyðarfirði, tilefnið er opnun á meðferðarúrræði Píeta á Reyðarfirði. Eru allir íbúar Fjarðarbyggðar, fagfólk og áhugafólk um geðheilbrigði hjartanlega velkomin. Þá eru aðstandendur þeirra sem hafa misst í sjálfsvígi sérstaklega velkomnir. Boðið verður upp á kaffi og kruðerí og notalega stund.

24.02.2025

Fjölskyldunefnd heimsótti nýjan búsetukjarna á Reyðarfirði

Fjölskyldunefnd Fjarðabyggðar heimsótti nýjan búsetukjarna á Reyðarfirði sem er nú í byggingu. Byggingin er langt komin og gert er ráð fyrir að fyrstu íbúar geti flutt inn í byrjun sumars. Róbert Óskar tók á móti nefndinni og sýndi þeim húsið, en með í heimsókninni voru Ragnar Sigurðsson, formaður fjölskyldunefndar, Stefán Þór Eysteinsson, Jóhanna Sigfúsdóttir, Tinna Hrönn Smáradóttir, Guðlaug Björgvinsdóttir, áheyrnafulltrúi, Laufey Þórðardóttir, sviðsstjóri fjölskyldusviðs.

19.02.2025

Menningarstofa í samstarfi við Sjóminjasafn Austurlands hlaut undirbúningsstyrk úr Safnasjóði

Aðalúthlutun úr Safnasjóði 2025 fór fram í Myndasal Þjóðminjasafns Íslands við hátíðlega athöfn síðasta föstudag. Menningarráðherra Logi Einarsson ávarpaði gesti og úthlutaði 129 styrkjum, alls 217.159.500 krónum úr Safnasjóði. Árni Pétur, verkefnastjóri hjá Menningarstofu, var viðstaddur athöfnina og tók við viðurkenningarskjali og rós fyrir hönd safna Fjarðabyggðar.

19.02.2025

Samtök iðnaðarins funduðu á Austurlandi

Fulltrúar sveitarfélaganna á Austurlandi og Austurbrúar hittu Sigurð Hannesson framkvæmdastjóra Samtaka iðnaðarins á fundi á bæjarskrifstofu Fjarðabyggðar til þess að ræða þau málefni sem eru efst á baugi í atvinnulífi Austurlands. Þá var mikilvægi þess að styrkja innviði í landshlutanum einnig til umræðu, en það eru grundvöllur þess að atvinnulífið og samfélagið geti haldið áfram að blómstra.

18.02.2025

Fulltrúar ÖBÍ heimsóttu Fjarðabyggð og ræddu málefni fatlaðs fólks

Fulltrúar Öryrkjabandalags Íslands (ÖBÍ) heimsóttu Fjarðabyggð mánudaginn 12. febrúar, þar sem þeir funduðu með fulltrúum sveitarfélagsins um málefni fatlaðs fólks. Í heimsókninni voru Andrea Valgeirsdóttir, Rúnar Björn Herrera Þorkelsson og Stefán Vilbergsson frá ÖBÍ. Af hálfu Fjarðabyggðar tóku þátt þau Jóna Árný Þórðardóttir, bæjarstjóri, Aðalheiður Björk Rúnarsdóttir, stjórnandi stoð- og stuðningsþjónustu og Jón Grétar Margeirsson, fasteigna- og framkvæmdafulltrúi.

13.02.2025

Samstarfsverkefni Nesskóla og VA ,,Bara fínt"

Föstudaginn 7. febrúar fengu nemendur 9. og 10. bekkja Nesskóla að njóta málþingsins "Bara fínt" sem er samstarfsverkefni VA og Nesskóla og styrkt var af SÚN og Alcoa Fjarðaál.

13.02.2025

STREAM verkefni á unglingastigi

Haustið 2024 fengu nemendur á unglingastigi Nesskóla að spreyta sig á STREAM verkefnum í ensku. STREAM stendur fyrir Science, Technology, Reading and Writing, Engineering, Art og Math. Verkefni af þessu tagi ýta meðal annars undir sköpunarkraft og samvinnu. Sigrún Júlía enskukennari fór til Frakklands á námskeið í STREAM á vegum Erasmus+ og má segja að það sé kveikjan að þessari vinnu. Verkefnalýsingar vann hún svo með aðstoð ChatGPT.

12.02.2025

Fundur með rektor Háskólans á Akureyri og sveitarstjóra Múlaþings

Dr. Áslaug Ásgeirsdóttir, rektor Háskólans á Akureyri, heimsótti nýlega Austurland og átti fund með Jónu Árnýju Þórðardóttur bæjarstjóra Fjarðabyggðar og Dagmari Ýr Stefánsdóttur, sveitastjóra Múlaþings. Á fundinum var umræða um aðgengi að háskólanámi á Austurlandi, samstarf stofnanna og þjónustu við háskólanema á svæðinu.

10.02.2025

Haldið uppá dag leikskólans í Fjarðabyggð

Sjötti febrúar er merkisdagur í sögu leikskólans en á þeim degi árið 1950 stofnuðu frumkvöðlar leikskólakennara með sér sín fyrstu samtök. Af því tilefni er dagurinn haldinn hátíðlegur og hefur svo verið gert um langt árabil.

10.02.2025

Nýr slökkviliðsstjór tekinn við

Ingvar Georg Georgsson hefur tekið við starfi slökkviliðsstjóra Slökkviliðs Fjarðabyggðar. Ráðning Ingvars var staðfest á fundi bæjarráðs Fjarðabyggðar þann 28. október sl.

10.02.2025

Lagning ljósleiðara í þéttbýli Fjarðabyggðar

Míla í samstarfi við Fjarðabyggð leggur ljósleiðara í þéttbýlum Fjarðabyggðar á árinu 2025. Um er að ræða framkvæmdir í Neskaupstað, á Breiðdalsvík, Stöðvarfirði og Fáskrúðsfirði. Framkvæmdaáformin eru auglýst á heimasíðu Mílu á slóðinni: https://www.mila.is/framkvaemdaaaetlanir.

08.02.2025

Hreinsunarstarf á Stöðvarfirði gengur vel

Líkt og fram hefur komið í fréttum gekk mikið ofsaveður yfir Stöðvarfjörð sl. fimmtudag, sem olli margvíslegum og miklum skemmdum víða í bænum. Starfsmenn Fjarðabyggðar ásamt verktökum og íbúum unnu í gær ötulega að hreinsunarstarfi og viðgerðum í bænum, og gekk sú vinna afar vel. Ljóst er þó að einhvern tíma mun taka að koma öllu aftur í samt horf, og mun hreinsunar- og viðgerðarstarf halda áfram næstu daga.

06.02.2025

Fjarðabyggð og Píeta samtökin undirbúa samstarfssamning

Fjarðabyggð og Píeta samtökin undirbúa nú samstarfssamning sem tryggir fasta viðveru og reglubundna þjónustu samtakanna í sveitarfélaginu. Af því tilefni kom Ellen Calmon, framkvæmdastýra Píeta samtakanna, til Fjarðabyggðar og kynnti starfsemi samtakanna. Píeta samtökin veita sérhæfða aðstoð fyrir einstaklinga í sjálfvígsvanda með sjálfsskaða og aðstandendur þeirra. Með samningnum verður þjónustan aðgengileg íbúum Fjarðabyggðar á stöðugum grundvelli.

05.02.2025

Rauð viðvörun vegna veðurs og hættustigi Almannavarna lýst yfir

Ríkislögreglustjóri, í samráði við lögreglustjórana á Höfuðborgarsvæðinu, Vesturlandi, Norðurlandi vestra og Norðurlandi eystra, Austurlandi, Vestmannaeyjum, Suðurlandi og Suðurnesjum lýsir yfir hættustigi Almannavarna vegna veðurs sem spáð er næsta sólarhringinn. Hættustig Almannavarna gildir frá og með 15:00 í dag á landinu öllu en rauð viðvörun tekur gildi kl. 18 á Austurlandi og gildir til kl. 4 í nótt. Síðan verður aftur rauð viðvörun frá kl. 8 til kl.18 á morgun fimmtudaginn 6. febrúar.

03.02.2025

Opið fyrir umsóknir - Þórsmörk listamannasetur

Gjaldfrjáls rannsóknardvöl fyrir listamenn til að dvelja í allt að 8 vikur í Þórsmörk á Norðfirði á tímabilinu 15 mars - 15 október 2025. Umsóknir skal senda á menningarstofa@fjardabyggd.is fyrir umsóknarfrest sem er 20.febrúar 23:59.

02.02.2025

Ótímabundið verkfall í leikskólanum Lyngholt

Fundi samninganefndar sveitarfélaga og KÍ lauk nú um klukkan 22:00 í kvöld, án þess að samningar næðust. Því er ljóst að ótímabundið verkfall mun hefjast á morgun í leikskólanum Lyngholt, sem mun hafa áhrif á starfsemi þess. Foreldrar barna fengu upplýsingar í tölvupósti sl. föstudag með nánari upplýsingum um áhrif verkfallsins á starfsemi leikskólans.

01.02.2025

Óvissustig á Austfjörðum - hætta á krapaflóðum og votum snjóflóðum - Uppfært-

Gert er ráð fyrir áframhaldandi óvissustigi vegna ofanflóðahættu á Austfjörðum fram til mánudags. Viðbúnaður á tilteknum svæðum, á Fáskrúðsfirði og Stöðvarfirði sem kynntur var í gær, er þó úr gildi fallinn.

30.01.2025

Fjöldi blóta í Fjarðabyggð

Þá er þorrinn genginn í garð og með honum fylgja hin árlegu þorrablót. En fjöldi slíkra blóta eru í Fjarðabyggð. Um síðustu helgi voru haldin þrjú blót, þorrablót Reyðfirðinga var haldið á föstudeginum í íþróttahúsi Reyðfirðinga, þorrablót Eskfirðinga og sveitablót Norðfirðinga var svo haldið á laugardeginum í Valhöll, Eskifirði og í Egilsbúð, Neskaupstað.

29.01.2025

Heilsuefling 65+ í Fjarðabyggð

Verkefnið "Fjölþætt heilsuefling 65+ í Fjarðabyggð" hefur skilað miklum árangri frá upphafi þess, en 194 einstaklingar hafa tekið þátt frá því verkefnið hófst í ágúst mánuði árið 2022. Markmið verkefnisins er að stuðla að farsælum efri árum með því að bæta lífsgæði og heilsu eldri íbúa sveitarfélagsins í gegnum markvissa hreyfingu og fræðslu.