Fréttir | Fjarðabyggð

12.12.2024

Zmiany w systemie opłat przedszkolnych w gminie Fjarðabyggð

Rada Gminy Fjarðabyggð zatwierdziła zmiany w opłatach za przedszkola, które wejdą w życie 1 marca 2025 roku. Nowa tabela opłat została wprowadzona w odpowiedzi na wyzwania, z jakimi mierzy się Gmina Fjarðabyggð, podobnie jak inne samorządy lokalne. Zmiany mają na celu rozwiązanie problemów związanych z przeciążeniem personelu, trudnościami kadrowymi oraz zapewnienie odpowiednich warunków sprzyjających dobrostanowi dzieci i pracowników przedszkoli.

12.12.2024

Changes to the tariff environment of preschools in Fjarðabyggð

Fjarðabyggð's municipal council has approved changes to the municipality's preschool tariff environment, which will take effect on 1 March, 2025. The changes to the tariff are a reaction to the challenges that Fjarðabyggð, like other municipalities, has faced in preschool activities regarding the workload on staff, staffing problems and to ensure the well-being and prosperity of children and staff.

10.12.2024

Landinn, slökkvilið Fjarðabyggðar og aðventan í Nesskóla

Í nóvember fékk Nesskóli góða heimsókn frá Landanum, sem ræddi um veðurstöðina sem sett hefur verið upp á þaki skólans. Þátturinn var sýndur fyrir stuttu og vakti hann mikla athygli. Þáttinn má nálgast hér

06.12.2024

Breytingar á gjaldskrárumhverfi leikskólanna í Fjarðabyggð

Bæjarstjórn Fjarðabyggðar hefur samþykkt breytingar á gjaldskrárumhverfi leikskóla sveitarfélagsins sem munu taka gildi þann 1. mars 2025. Breytingarnar á gjaldskránni eru tilkomnar sem viðbragð við þeim áskorunum sem Fjarðabyggð, líkt og önnur sveitarfélög, hafa staðið frammi fyrir í leikskólastarfi varðandi álag á starfsfólk, mönnunarvanda og til að tryggja vellíðan og velferð barna og starfsfólks.

06.12.2024

Tilraunatími í 7. og 8. bekk, Eskifjarðaskóla

Það var mikið að gerast í náttúrufræðitímunum hjá Guðmanni, kennara og krökkunum í 7. og 8. bekk Eskifjarðaskóla. Öll höfðu undirbúið tilraunir til að sýna og fræða samnemendur sína um undur vísindanna.

04.12.2024

BRJÁN hlýtur viðurkenningu frá Tónlistarmiðstöð Íslands

BRJÁN hlaut Gluggann viðurkenningu Tónlistarmiðstöðvar Íslands á Degi íslenskrar tónlistar í Hörpu 29. nóvember nýverið fyrir elju við að byggja upp Tónspil í Neskaupstað sem tónleikastað og aðstöðu fyrir austfirskt tónlistarfólk.

03.12.2024

Könnun um BRAS menningarhátíð barna og ungmenna á Austurlandi árið 2024

Könnun um BRAS menningarhátíð barna og ungmenna á Austurlandi árið 2024 Haustið 2024 var helgað, BRAS menningarhátíð barna og ungmenna á Austurlandi.Að þessu sinni bar hátíðin nafnið Uppspretta. Einkunnarorð hátíðarinnar voru sem fyrr: Þora! Vera! Gera! Fjölbreytt dagskrá var um allan fjórðunginn og þátttaka í menningarmiðstöðvum, sveitarfélögum og skólum góð. Sérstök áhersla var á að bjóða austfirsku listafólki að taka þátt í BRASinu.

02.12.2024

Ný rýmingarkort kynnt í Fjarðabyggð

Undanfarið ár hafa sérfræðingar Veðurstofu Íslands unnið með Almannavarnarnefnd Austurlands að því að uppfæra rýmingarkort vegna ofanflóðahættu fyrir þéttbýlin í Fjarðabyggð og Múlaþing. Um er að ræða rýmingarkort fyrir Neskaupstað, Eskifjörð, Fáskrúðsfjörð, Stöðvarfjörð og Seyðisfjörð sem tóku gildi í síðustu viku.

29.11.2024

Gott að eldast

Þann 13. nóvember var haldinn opinn kynningafundur í Fjarðabyggð til að upplýsa um stöðu og hugmyndafræði verkefnisins Gott að Eldast. Gott að eldast er yfirskrift yfir heildarendurskoðun á þjónustu við eldra fólk og er samstarfsverkefni Félags- og vinnumarkaðsráðuneytisins og Heilbrigðisráðuneytisins.

28.11.2024

Framsetning á rýmingarkortum bætt

Undanfarið ár hafa sérfræðingar Veðurstofu Íslands unnið með Almannavarnarnefnd Austurlands að því að uppfæra rýmingarkort vegna ofanflóðahættu fyrir þéttbýli í Múlaþingi og Fjarðabyggð. Um er að ræða rýmingarkort fyrir Seyðisfjörð, Neskaupstað, Eskifjörð, Fáskrúðsfjörð og Stöðvarfjörð. Voru hin nýju kort staðfest af Guðlaugi Þór Þórðarsyni umhverfis-orku- og loftlagsráðherra í dag, fimmtudaginn 28. nóvember, og taka nú gildi í stað eldri korta.

27.11.2024

Góður gangur í framkvæmdum við snjóflóðavarnagarða

Vel hefur gengið að vinna við ofanflóðavarnir við Nes- og Bakkagil. Sprengt hefur verið ofan við Drangagilsgarðinn og nú eru sprengingar hafnar í skeringunni ofan við efri keiluröð og sprengingar munu fara fram þar næsta árið.

25.11.2024

Bókun bæjarráðs vegna framlagningar undirskriftarlista

Á fundi bæjarráðs í dag, mánudaginn 25. nóvember var lagður fram undirskriftarlisti þar sem gerð er krafa um upplýsingafund vegna fyrirhugaðra breytinga í fræðslumálum. Bæjarráð vísar til bókunar frá bæjarráðsfundi númer 871, að starf- og rýnihópar leik- og grunnskóla hafi samþykkt að fresta störfum hópanna þar til kjarasamningar við Kennarasamband Íslands hafa verið gerðir.

22.11.2024

Fjölmenningarráð/Multicultural Council/Rada Wielokulturowa

English and Polski below. Fjarðabyggð auglýsir eftir þátttöku einstaklinga í fjölmenningaráð Fjarðabyggðar. Óskað er eftir einstaklingum með fjölmenningalegan bakgrunn eða þeim sem hafa áhuga og þekkingu á málefnum innflytjenda í Fjarðabyggð. Fjölmenningarráð er ráðgefandi fyrir starfsemi Fjarðabyggðar um málefni og hagsmuni sem snúa að innflytjendum og fólki með erlendan bakgrunn. Ráðið fundar að jafnaði einu sinni í mánuði.

18.11.2024

Þemadagar Nesskóla: Íslensk tunga í forgrunni

Þemadagar Nesskóla stóðu yfir í síðustu viku með áherslu á íslenska tungu. Nemendur og kennarar lögðu metnað í fjölbreytta og skapandi vinnu sem sýndi íslenska menningu og tungu í ýmsu ljósi.

16.11.2024

Björn Hafþór afhendir nýjan disk ,,Við skulum ekki hafa hátt"

Björn Hafþór Guðmundsson kom á fund bæjarráðs Fjarðabyggðar á dögunum og færði fulltrúum sveitarfélagsins þeim Jóni Birni Hákonarsyni, forseta bæjarstjórnar, Ragnari Sigurðssyni, formanni bæjarráðs og Jónu Árný Þórðardóttur, bæjarstjóra nýútkomin hljómdisk ..Við skulum ekki hafa hátt", á disknum eru 14 lög sem Björn samdi sjálfur ásamt textum við 12 þeirra.

14.11.2024

Nýr forstöðumaður menningarstofu ráðinn

Þórhildur Tinna Sigurðardóttir hefur verið ráðin forstöðumaður Menningarstofu Fjarðabyggðar. Staða forstöðumanns var auglýst laus til umsóknar þann 7. október síðastliðinn og lauk umsóknarfresti þann 25. október. Alls bárust sex umsóknir um stöðuna. Niðurstaða ráðningarferilsins var að bjóða Þórhildi Tinnu starfið.

13.11.2024

Kuldaboli 2024

Kuldaboli var haldinn í Fjarðabyggðarhöllinni föstudaginn 11. október síðastliðinn fyrir nemendur í 8.-10. bekk grunnskóla á Austurlandi. Hátíðin býður unglingum að koma saman, breikka tengslanetið, prófa ýmsar tómstundir og skemmta sér á heilbrigðan hátt. Í ár var glímusmiðja, sjálfsvarnarnámskeið og akademísk smiðja í boði.

12.11.2024

Ölver Jakobsson Michelsen, forstöðumaður íþróttahússins á Fáskrúðsfirði lætur af störfum

Ölver Jakobsson Michelsen, forstöðumaður íþróttahússins á Fáskrúðsfirði, lét af störfum 31. ágúst síðastliðinn, eftir að hafa starfað í 27 ár hjá Fjarðabyggð og áður hjá Búðarhreppi. Ölver eða Ölli eins og hann er gjarnan kallaður hóf störf hjá Búðarhreppi sem forstöðumaður íþróttahússins 11. nóvember árið 1997.

11.11.2024

Bæjarráð tekur við gjöfum frá Samvinnufélagi útgerðarmanna í Neskaupstað

Bæjarráð ásamt bæjarstjóra fundaði með stjórn Samvinnufélags útgerðarmanna í Neskaupstað (SÚN) og framkvæmdastjóra þess 4. nóvember síðastliðinn. Á fundinum var farið yfir þau verkefni sem SÚN hefur styrkt í sveitarfélaginu í gegnum árin og rætt þau verkefni sem eru í gangi hjá SÚN eins og stækkun Múlans og ásamt þeim sem eru í farvatninu.

11.11.2024

Nýr skólastjóri ráðinn við Grunnskólann á Fáskrúðsfirði

Ása Sigurlaug Harðardóttir hefur verið ráðin sem skólastjóri Grunnskóla Fáskrúðsfjarðar frá og með næstkomandi áramótum. Ása Sigurlaug gengdi stöðu skólastjóra við Tálknafjarðarskóla. Ása Sigurlaug er með kennaramenntun frá Háskóla Akureyrar og er einnig menntaður landfræðingur frá Frakklandi.

07.11.2024

VA hlýtur íslensku menntaverðlaunin

Verkmenntaskóli Austurlands hlaut íslensku menntaverðlaunin 2024 í flokki iðn- og verkmenntunar fyrir að efna til samstarfs við grunnskólana í Fjarðabyggð um framboð á fjölbreyttum verklegum valgreinum. Skólastjórinn og aðstoðarskólastjórinn tóku við viðurkenningu vegna þess við formlega athöfn á Bessastöðum.

07.11.2024

Nýr slökkviliðsstjóri ráðinn

Ingvar Georg Georgsson hefur verið ráðinn slökkviliðsstjóri Slökkviliðs Fjarðabyggðar. Ráðning Ingvars var staðfest á fundi bæjarráðs Fjarðabyggðar þann 28. október sl.

04.11.2024

Syndum - landsátak í sundi 1. - 30. nóvember

Íþrótta- og Ólympíusamband Íslands, í samstarfi við Sundsamband Íslands, stendur fyrir landsátaki í sundi frá 1. - 30. nóvember. Syndum er heilsu- og hvatningarátak fyrir alla landsmenn. Sund styrkir hjarta- og æðakerfið, lungu og vöðva líkamans. Sund er frábær alhliða hreyfing bæði til þess að hlúa að heilsunni og sem skemmtileg tómstundaiðja.

01.11.2024

Víðtæk samþætting endurhæfingar formgerð með tímamótasamningi

Samningur sem kveður á um víðtækt samstarf á sviði endurhæfingar og samhæfingu þjónustunnar þvert á kerfi var undirritaður í dag. Að samningnum koma 46 aðilar á sviði félags- og heilbrigðisþjónustu, sem skuldbinda sig til að eiga með sér samstarf og samvinnu um endurhæfingu einstaklinga sem á þurfa að halda. Samningurinn tekur gildi 1. september 2025 og er mikilvægur liður í innleiðingu viðamikilla breytinga á örorkulífeyriskerfinu samkvæmt lögum sem öðlast gildi á sama tíma.

01.11.2024

Bragðlaukaþjálfun á Eyrarvöllum

Í september hóf leikskólinn á Eyravöllum þátttöku í rannsóknarverkefni Berglindar Lilju Guðlaugsdóttur og hennar teymis í bragðlaukaþjálfun sem nefnast Litlu laukar. Litlu laukar er bragðlaukaþjálfun hjá börnum sem felst í markvissri þjálfun í að smakka og upplifa mat með öllum skynfærum sínum.

29.10.2024

Íbúafundur um ofanflóðamál

Þriðjudaginn 22. október síðastliðinn var haldinn íbúafundur vegna ofanflóðamála í Neskaupstað. Fundurinn var framhald af þeirri vinnu sem verið hefur frá síðasta íbúafundi og vinnustofunni ,,Stillum saman strengi" sem fram fór 2. október, 2023. Jóna Árný Þórðardóttir, bæjarstjóri Fjarðabyggðar fór stuttlega yfir það sem fram fór á vinnustofunni. Þar komu saman allir helstu viðbragðsaðilar, Almannavarnanefnd Austurlands, Veðurstofa Íslands, og almannavarnadeild Ríkislögreglustjóra ásamt fulltrúum sveitarfélaganna, björgunarsveita, Vegagerðarinnar, Heilbrigðisstofnun Austurlands og fleiri aðilium.

28.10.2024

Umfangsmikið átak ljósleiðaravæðingu heimila og fyrirtækja í Fjarðabyggð hrundið af stað

Í gær var undirritaður samningur Fjarðabyggðar og Mílu um viðamikla framkvæmd sveitarfélagsins í að ljúka ljósleiðaravæðingu heimila og fyrirtækja allra byggðakjarna næstu tvö árin. Í dag eru allt að 60% heimila í Fjarðabyggð án ljósleiðaratengingu. Ragnar Sigurðsson, formaður bæjarráðs segir ljósleiðaravæðingu Fjarðabyggðar vera íbúum mikið kappsmál. Eitt stærsta verkefni í uppbyggingu innviða sveitarfélagsins síðari ára.

22.10.2024

Framtíðin er ljós í Fjarðabyggð

Fjarðabyggð mun fara í hraða uppbyggingu á ljósleiðarakerfi í sveitarfélaginu í kjölfar tilboðs fjarskiptasjóðs um stuðning við uppbyggingu ljósleiðaraneta utan markaðssvæða í þéttbýli. Hvert heimili í þéttbýli fær 80.000 kr. styrk til að kosta jarðvinnu til að tengja ljósleiðara fyrir árslok 2026.

19.10.2024

Breytingar á stuðningsþjónustu Fjarðabyggðar frá og með áramótum.

Árið 2023 var sveitarfélagið Fjarðabyggð valið til þátttöku í þróunarverkefninu Gott að eldast sem felst í samþættingu heimaþjónustu og heimahjúkrunar. Liður í því verkefni er að fara yfir þjónustu við eldra fólk og hvernig henni verði best hagað til framtíðar í takt við hækkandi lífaldur fólks.

18.10.2024

Nemendur grunnskólans á Fáskrúðsfirði heimsækja Loðnuvinnsluna

Í gær fóru nemendur unglingastigs grunnskólans á Fáskrúðsfirði í heimsókn í Loðnuvinnsluna þar sem þau fengu kynningu á starfsemi fyrirtækisins. Nemendum var skipt upp í hópa og fengu þau bæði kynningu og að prófa mismunandi störf í deildum fyrirtækisins. Deildirnar sem tóku á móti þeim voru rafdeild, frystihús, vélaverkstæði, bræðslan, skrifstofan og Hoffellið. Um borð í Hoffellinu fengu þau kynning á þeim fjölbreyttu störfum sem þar eru unnin.